ریاست اترپردیش کے ضلع مظفر نگر میں مختلف تنظیموں نے ٹی بی سے متاثر 125 بچوں کو گود لینے کے بعد روٹری کلب، لائنز کلب مظفر نگر، آل انڈیا اگروال سبھا اور سالار بالاجی کمیٹی کے ذریعہ کھانے کے کٹ تقسیم کئے گئے۔
ٹی بی سے متاثر 125 بچوں میں کھانے کی کٹ تقسیم
اجے اگروال نے بتایا کہ ہماری تنظیم نے ضلع سے ٹی بی سے متاثرہ 125 بچوں کو اپنانے کا فیصلہ کیا ہے جیسا کہ ہمارے وزیراعظم نریندر مودی کا خواب ہے کہ ملک میں 18 برس سے کم عمر کے ٹی بی سے متاثر بچوں کو دوا کے ساتھ ساتھ غذا بھی مفت میں دی جائے اسی ضمن میں ہم نے آج کھانے کے کٹ کو تقسیم کیا۔
اس پروگرام کی آرگنائزر میونسپل کونسل کی چیئرپرسن انجو اگروال تھیں، جن کے ذریعہ متاثرہ بچوں کے مابین کھانے کی اشیاء کا کٹ تقسیم کیا گیا۔ اس دوران مختلف اداروں سے وابستہ متعدد کارکنان اور عہدیدار بھی موجود تھے۔
