اترپردیش کے بارہ بنکی میں جمعرات کی دیر رات ایک بڑا ٹرین حادثہ ٹل گیا۔ یہاں کے دریاباد اور پٹرنگا ریلوے اسٹیشن کے درمیان واراناسی سے احمداباد جا رہی سابرمتی ایکسپریس ریل پٹری سے اترگئی۔ حادثے میں کسی بھی قسم کی جان و مال کے نقصان کی خبر نہیں ہے۔ اس واقعہ کی وجہ سے تقریبآ 4 گھنٹوں تک اس روٹ پر آمد و رفت متاثر رہا۔بتایاجارہے کہ یہ حادثہ آندھی و بارش کی وجہ سے پٹری پر پیڑ کے گرنے کے سبب پیش آیا۔Train accident averted at Barabanki
ذرائع کے مطابق جمعرات کی رات تقریبآ ساڑھے 9 بجے وارانسی احمداباد 19168 جیسے ہی پٹرنگا ریلوے اسٹیشن سے آگے بڑھی تقریبآ 4 کلومیٹر دور پٹری پر گرے پیڑ سے اس کا انجن ٹکرا گیا اور اس کا اگلا چکہ پٹری سے اتر گیا۔ حادثے کے بعد میڈکل ریلیف ٹرین اور ایکسڈنٹ رلیف ٹرین موقع پر پہونچی اور ضروری کاروائی کی۔
موقع پر پولیس اور آر پی ایف کے جوان بھی موقع پر پہونچے۔
مزید پڑھیں:کانپور میں ریل حادثہ
چشم دید گواہوں کے مطابق انہوں نے اس قسم کا حادثہ پہلی دفعہ دیکھا ہےؤ ریلوے کے تمام افسران نے کئی گھنٹوں کی محنت و مشقت کے بعد ٹرین کو آگے بڑھایا اس دوران 4 گھنٹوں سے زیادہ تک لکھنؤ وارانسی ریلوے روٹ متاثر رہا
