اطلاع کے مطابق ضلع کولگام کے نیہامہ علاقہ میں عسکریت پسندوں نے ایک غیر ریاستی مزدور کو گولیوں کا نشانہ بنایا۔ زخمی شخص کو ہسپتال منتقل کیا گیا، تاہم زخموں کی تاب نہ لا کر اس نے راستہ میں ہی دم توڑ دیا۔
کولگام :نامعلوم عسکریت پسندوں نے غیر ریاستی مزدور کو کیا ہلاک
ہلاک شدہ شخص کی شناخت ریاست بہار کے رہنے والے شنکر چودھری کے طور پر ہوئی ہے، جو پیشہ سے مزدور تھا۔اس واقعہ کے بعد سکیورٹی فورسز نے پورے علاقے کو محاصرہ میں لے کر حملہ آوروں کی تلاش شروع کر دی۔
مزید پڑھیں:اننت ناگ: پولیس اہلکارعسکریت پسندوں کی فائرنگ سے ہلاک
واضح رہے کہ یہ جنوبی کشمیر میں عسکریت پسندوں کا دوسرا واقعہ ہے۔ اس واقعہ سے پہلے ایک پولیس اہلکار کو عسکریت پسندوں نے ونپوہ علاقہ میں گولیوں کا نشانہ بنا کر ہلاک کر دیا۔
