گلبرگہ:تریپورہ پُرتشدد معاملہ کے قصور وراوں کے خلاف کاروائی کا مطالبہ

ریاست کرناٹک گلبرگہ شہر میں ایس ڈی پی آئی کی جانب سے ریاستی حکومت کے خلاف احتجاج کیا گیا۔اس موقع پر ایس ڈی پی آئی کے ضلع سکریٹری الیم الہی نے کہا تریپورہ میں گذشتہ آٹھ دنوں سے مسلمانوں پر حملے کئے جارہے ہیں۔وہاں پر کئی مساجد کونقصان پہنچا یا گیا ہے۔قرآن مجید کی بے حرمتی کی گئی ہے۔

انہوں نے الزام عائد کیا کہ آر ایس ایس،وی ایچ پی کے کارکنان مسلمانوں پر ظلم کررہے ہیں۔ لیکن ملک میں خود کو سیکولر کہنے والی پارٹیاںاس معاملہپر خاموش ہیں۔ملک میں آئے دن دلت، مسلم اور عیسائیوںپر حملے ہورہے ہیں۔مرکزی حکومت ان پر کوئی کارروائی نہیں کررہی ہے۔آج ملک بھر میں ایس ڈی پی آئی مسلمانوں پر ہوئے حملے اور ظلم کے خلاف اپنی آواز کو بلند کررہی ہے۔

انہوں نے مزید کہا کہ مرکزی حکومت ہی اس حملے کی ذمہ دار ہے۔اس لئے وہاں کے مسلمانوں پر حملے کرنے والوں کے خلاف فوری قانونی کارروائی کرنے کا مطالبہ کیا گیا۔