یادگیر: ریاست کرناٹک کے ضلع یادگیر کے تعلقہ شورا پور کے مولانا مفتی اقبال احمد ونٹی صدر جمعیت علماء شاخ شورا پور نے ای ٹی وی بھارت سے خصوصی بات کرتے ہوئے کہا کہ ہر سال 18 دسمبر کو عربی زبان کے عالمی دن 18th December Arabic Day منایا جاتا ہے۔ انہوں نے کہا کہ اللہ رب العزت نے قرآن شریف عربی زبان میں نازل فرمائی ہے۔ اس کے علاوہ دینی علوم کے تمام کتابیں عربی زبان میں ہیں۔
انہوں نے کہا کہ جہاں ہم دنیا کی ترقی و کامیابی کے لیے مختلف زبانوں کو سیکھتے ہیں وہی خاص کر مسلمانوں کو چاہیئے کہ وہ دیگر زبانوں کے ساتھ ساتھ عربی زبان بھی سیکھیں Teach children Arabic، کیونکہ دینی علوم کا زیادہ سے زیادہ سرمایا عربی زبان میں ہے۔ اس کے علاوہ قرآن پڑھنے اور نماز ادا کرنے کے لیے اس زبان پر عبور ہونا نہایت ضروری ہے۔
مفتی اقبال نے والدین اور سرپرستوں سے اپیل کرتے ہوئے کہا کہ یوم عربی کے موقع پر ہم اپنے بچوں کو دنیاوی علوم کے ساتھ عربی زبان بھی سکھائیں تاکہ بچے قرآن اور نماز کو اچھی طرح اور صحیح طریقہ سے پڑھنے اور ادا کرنے کے قابل بن جائیں۔
مزید پڑھیں:
انہوں نے کہا کہ روزگار کے لیے عرب ممالک کو جانے والے نوجوانوں کو بھی اس زبان میں بات چیت کرنا پڑتا ہے۔ دنیا میں کئی مالک ہے جہاں پر عربی زبان بولی، پڑھی، اور لکھی جاتی ہے۔ اس لئے ہم سب کو دین و دنیا میں بہتری اور کامیابی کے لیے عربی زبان پر عبور حاصل کرنا نہایت ضروری ہے۔
