جموں: کل جموں میں وادی کی متعدد اسپورٹس شخصیات نے وزیر اعظم نریندر مودی سے ملاقات کی اور نوجوانوں کو کھیلوں کے تئیں ترغیب دینے اور ان کی صلاحیتوں کو اجاگر کرنے کے لیے خصوصی توجہ دینے پر ان کا شکریہ ادا کیا۔ نیز اتھلیٹس نے وزیراعظم کا شکریہ ادا کرنے کے لیے ایک توصیفی سند بھی دی۔ Jammu and Kashmir Athletes Express Gratitude to PM Modi
وزیراعظم کو دی گئی سند میں اتھلیٹس نے لکھا کہ 'ہم ایتھلیٹس، جموں و کشمیر کے نوجوانوں کی جانب سے مرکز کے زیر انتظام علاقے جموں و کشمیر میں وزیر اعظم ڈیولپمنٹ پیکج کے تحت ایک خصوصی اسپورٹس پیکج کی منظوری، ہر ضلع میں کھیلو انڈیا مراکز اور کھیلو انڈیا سینٹرز آف ایکسیلینس کے لیے وزیراعظم مریندر مودی کا تہہ دل سے شکریہ ادا کرتے ہیں۔ محترم وزیراعظم، کھیلوں کے بنیادی ڈھانچے اور سہولیات میں اس بے مثال اضافے کے ساتھ، کھیلوں میں نوجوانوں کی شرکت کئی گنا بڑھ گئی ہے۔ صرف پچھلے سال 17.5 لاکھ نوجوانوں نے کھیلوں کی سرگرمیوں میں حصہ لیا۔ اس نئے اور جدید ترین کھیلوں کے بنیادی ڈھانچے اور اس سے منسلک کھیلوں کے اقدامات نے ہم سب کو اپنے منتخب کردہ شعبوں میں سبقت حاصل کرنے میں مدد فراہم کی۔ انہوں نے ہمیں اپنی صلاحیتوں کو پروان چڑھانے کے لیے انتہائی ضروری تحریک فراہم کی ہے اور ہم میں دنیا کے بہترین کھلاڑیوں کے ساتھ مقابلہ کرنے کا اعتماد پیدا کیا۔
واضح رہے کہ کل 24 اپریل کو وزیراعظم نریندر مودی نے جموں کا یک روزہ دورہ کیا تھا اور وادی کے لیے تقریباً 2 ہزار کروڑ روپے کے ترقیاتی منصوبوں کا اعلان، افتتاح اور سنگ بنیاد رکھا تھا۔
