حیدر آباد میں مسلسل ہورہی بارش سے کئی علاقے زیرِ آب ہوچکے ہیں۔ عوام اس بارش سے پریشان ہیں۔ شہر کے ٹولی چوکی، کارواں، گولکنڈہ، لنگرہاوس، نامپلی، ملک پیٹ، سعید آباد، بہادر پورہ ،کشن باغ، وٹے پلی، شاستری پورم، رمنس پورہ،چندولال باردری، شاہ علی بنڈہ سمیت دیگر علاقوں میں بارش کے سبب لوگ پریشان ہیں۔ بارش کی وجہ سے کئی مکانات گر چکے ہیں۔
گذشتہ سال طوفانی بارش کے سبب حیدرآباد میں 20 لوگوں کی موت ہوئی تھی۔ شاہین نگر، بابا نگر، عثمان نگر سمیت دیگرکئی علاقوں میں بڑے پیمانے پرتباہی کا سامنا کرنا پڑاتھا۔ حکومت کی جانب سے کروڑوں روپے کا بجٹ جاری کیا گیا- لکین اس بجٹ کا استعمال نہیں کیاگیا۔بارش کے پانی کی نکاسی کے لئے تاحال کوئی عملی قدم نہیں اٹھایاگیاہے اور نہ ہی کوئی منصوبہ سازی کی گئی ہے۔
مزید پڑھیں:
Cyclone Gulab: آندھراپردیش اور تلنگانہ میں موسلادھار بارش
لوگوں کا کہنا ہے حکومت کو چاہیے کہ عوام کو بارش کے پانی سے نجات دلانے کے لئے فوری طور پر قدم اٹھائے۔
