اس موقع پر مقرر خصوصی اسلامی اسکا لر ڈاکٹر حبیب الرحمن اور مہمانان خصوصی ڈاکٹر اصغر چلبل سابقہ گلبرگہ اربن ڈیولپمنٹ اتھارٹی چیرمین، سینئر صحافی عزیز اللہ سرمست، عبدالجبار گولہ ایڈوکیٹ تعمیر ملت ضلع گلبرگہ صدر، انجینیئر مشتاق احمد نے شرکت کی۔
اس موقع پر اسلامی اسکالر ڈاکٹر حبیب الرحمن نے خطاب کر تے ہوئے کہا کہ قرآن مجید پوری انسانیت کے لیے صبح قیامت تک ہدایت کی کتاب ہے۔
قرآن مجید کی تعلیمات کو عام کرنے اور اس پر عمل کر نے کی ضرورت ہے ۔قرآن کو فرقان کہا گیا ہے یعنی حق و باطل میں فرق کرنے والی روشن کتاب۔
انھوں نے کہا کہ مسلمانوں کے ذہنوں میں یہ بات بٹھا دی گئی ہے کہ قرآن کی تلاوت میں بڑا اجر ہے۔
اس سے بڑھ کر بھی قرآن مجید کی بڑی اہمیت ہے۔ قرآن مجید صرف مسلمانوں کے لیے اور ساری انسانیت کے لیے ہدایت ہے ۔
آج مسلمانوں کو قرآن سے دور کر نے بلکہ مسلمانوں کی زندگیوں سے قرآن کو نکالنے کے لیے اسلام دشمن طاقتوں نے ایک منظم سازش کی ہے اور مسلمان بالواسطہ یا بلاواسطہ اس سازش کا حصہ بن رہے ہیں۔
ان سازشوں سے بچنے کی ضرورت ہے۔ قرآن مجید کو ترجمہ کے ساتھ پڑھنے اور قرآن مجید کے تعلیمات پر عمل کرنے کی ضرورت ہے۔
