ریاست کرناٹک کے شہر یادگیر میں یوم جمہوریہ یعنی 26 جنوری کے موقع پر جہاں ملک بھر میں مختلف تقریبات کا انعقاد کیا گیا وہیں پر یادگیر کے گوگی فنکشن ہال میں انجمن ترقی اردو کی جانب سے ایک مشاعرہ 'ایک شام یوم جمہوریہ' کے نام منعقد ہوا۔
مشاعرے کا آغاز مولانا نواز خان نظامی کی قرآت سے ہوا جب کہ نور دل کش نے نعت کا نذرانہ پیش کیا اور پروفیسر سید محمد یوسف حسینی برادرز سجادہ نشین آستانہ جلالیہ گوگی شریف تعلقہ شاہ پور ضلع یادگیر نے شمع روشن کرتے ہوئے مشاعرہ کا آغاز ہوا۔
مبین احمد زخم نے مہمانوں اور تمام شعراء کا استقبال کرتے ہوئے اس مشاعرے میں شامل ہونے پر شکریہ ادا کرتے ہوئے خطبہ استقبالیہ پیش کیا
اس موقع پر راشد ریاض، حسن محمود، عرفان ریچوری، انڈین بادشاہ، مسرور نظامی، سراج احمد شہینہ، وحید راز، لطیف شاہد، اوصاف مجاہد، ڈاکٹر رفیق سوداگر،، نور دلکش، مبین احمد زخم ، خادم اظہر، خسرو سگری، پروفیسر سید محمد یوسف حسین کامل نے اپنا کلام پیش کیا۔
لائقِ حسین بادل، قاضی محمد افضل الدین صدیقی، عبدالعلیم گو گی، غلام صمدانی موسی خواجہ معین الدین وہ دیگر نے مہمان خصوصی کے طور پر شرکت کی اور ایڈوکیٹ محمد امتیاز الدین صدیقی نے یوم جمہوریہ کی تفصیل بیان کی۔
