سوپور کے فروٹ منڈی میں منعقد اس پروگرام میں شمالی کشمیر رینج کے ڈی آئی جی سجیت کمار، سوپور کے ایس پی شدھانشو ورما اور فروٹ منڈی کے صدر فیاض احمد بطور مہمانِ خصوصی موجود رہے۔
پروگرام کے دوران نوجوانوں کو کورونا وبا کی روک تھام کے لیے اور منشیات سے دور رکھنے کے لیے بیدار کیا گیا۔ اس پروگرام کا مقصد نوجوان نسل کو غلط راستوں سے نجات دلانا تھا۔ تاکہ نوجوانوں کے ایک بہتر مستقبل کی تشکیل ہوسکے۔
اس حوالے سے ڈی آئی جی سجیت کمار نے کہا کہ پولیس ہر وقت منشیات کے خلاف لوگوں کے ساتھ ہے۔ اس میں سبھی کا تعاون ضروری ہے تاکہ منشیات سے معاشرے کو پاک کیا جاسکے۔
مزید پڑھیں:پلوامہ: تین مختلف مقامات سے 19 کلو پوست،600 گرام چرس بر آمد
ساتھ ہی انہوں نے کہا کہ کورونا وبا سے محفوظ رہنے کے لیے سبھی کا ساتھ ضروری ہے، تبھی ہم اس وبا سے بچ سکیں گے، ایسے میں معاشرے کے ہر شخص کو پولیس کا تعاون کرنا ضروری ہوگا۔
