شمالی کشمیر کے ضلع بانڈی پورہ کے سُمبل سوناواری میں اِندر کوٹ علاقے سے تعلق رکھنے والے متعدد افراد نے میونسپل کمیٹی سُمبل کے دفتر کے باہر احتجاجی مظاہرہ کیا۔ Protest in Sumbal Bandipora
احتجاج میں شامل افراد کا کہنا تھا کہ 'کچھ سیاسی اثر و رسوخ رکھنے والے افراد میونسپل کمیٹی کے معاملات میں مداخلت کرتے ہیں جس کی وجہ سے غریب اور مستحق افراد کو پی ایم اے وائی اسکیم کے تحت شامل نہیں کیا جارہا ہے۔'
مظاہرین نے کہا کہ 'میونسپل انتظامیہ بذات خود اپنا کام بہتر طریقے سے کررہی ہیں تاہم باہر سے کچھ افراد ان کے معمولات میں مداخلت کرتے ہیں جس کی وجہ سے مذکورہ اسکیم کے تحت ملنے والے فائدے سے مستحق افراد کا حق مار دیا جاتا ہے۔' Protesters on Municipal Committee Sumbal
انہوں نے انتظامیہ سے اپیل کی کہ وہ کسی بھی فرد کی مداخلت کے بغیر جو مستحق کنبے ہیں اور میونسپل کمیٹی سمبل کے مطابق اس اسکیم کی اہلیت رکھتے ہیں ان کو فائدہ دیا جائے اور اس میں کسی بھی قسم کے اثر رسوخ کو جگہ نہ دیں۔
