پی ڈی پی صدر محبوبہ مفتی نے اپنے آبائی علاقہ بجبہاڑہ کا دورہ کیا، جہاں پر انہوں نے سابق وزیر اعلیٰ جموں و کشمیر اور اپنے والد مرحوم مفتی محمد سعید کے مزار پر حاضری دے کر ان کے لیے دعائے مغفرت کی۔ان کے ہمراہ پارٹی کے کئی کارکنان بھی موجود رہے۔
اس موقع پر ذرائع ابلاغ کے نمائندوں نے اُن سے بات کرنا چاہا، تاہم پارٹی سرپرست نے نمائندوں سے بات نہیں کی۔
واضح رہے کہ پیپلز ڈیموکریٹک پارٹی کا 22 واں یوم تاسیس 28 جولائی کو منایا جا رہا ہے۔ پی ڈی پی کا قیام 28 جولائی سنہ 1999 کو عمل میں آیا تھا۔
جموں و کشمیر کے سابق وزیر اعلیٰ اور پی ڈی پی کے بانی مرحوم مفتی محمد سعید نے پیپلز ڈیموکریٹک پارٹی قائم کی تھی اور اس طرح سے جموں و کشمیر میں ایک نئی علاقائی پارٹی وجود میں آئی تھی۔
مزید پڑھیں:
پیپلز ڈیموکریٹک پارٹی نے جموں و کشمیر میں دو بار حکومت کا حصہ بھی رہی جبکہ مفتی محمد سعید اسی پارٹی سے جموں کشمیر میں دو بار وزیر اعلیٰ بھی رہ چکے ہیں۔
