ممبئی: عالمی بازار سے ملے مثبت اشاروں کے ساتھ ہی گھریلو سطح پر بینکنگ اور فائنانس جیسے گروپس میں ہوئی خرید کی بدولت شیئر بازار میں تیزی تھی جس سے بی ایس ای کا سینسیکس 397.04 پوائنٹس مضبوط ہو کر 52769.73 پوائنٹس پر اور نیشنل اسٹاک ایکسچینج (این ایس ای) کا نفٹی 119.75 پوائنٹس بڑھ کر 15812.35 پوائنٹس تھا۔
شیئربازار میں بڑی کمپنیوں میں ہوئی خرید کے ساتھ چھوٹی کمپنیوں میں خریداری ہوئی جس سے بی ایس ای کا اسمال کیپ 0.46 فیصد بڑھ کر 26188.45 پوائنٹس پر تھا۔ اس دوران مڈکیپ معمولی 0.01 فیصد اور مالیات 1.35 فیصد بڑھا۔
بین الاقوامی بازار میں جرمنی کے ڈیکس میں 0.05 فیصد کے نقصان کےعلاوہ زیادہ تر انڈیکس میں تیزی تھی۔ ہانگ کانگ کا ہینگ سینگ 1.63 فیصد، چین کا شنگھائی کمپوزٹ 0.53 فیصد، جاپان کا نکئی 0.52 فیصد، برطانیہ کا ایف ٹی ایس ای 0.08 فیصد منافع میں تھا۔
یو این آئی
