ریزرو بینک آف انڈیا (RBI) نے کوآپریٹو سوسائیٹیوں کو خبردار کیا ہے کہ وہ اپنے ناموں میں 'بینک' کا لفظ غیر قانونی طور پر شامل نہ کریں۔ مرکزی بینک نے عوام سے بھی کہا ہے کہ وہ ایسی سوسائٹیوں سے نمٹنے میں احتیاط برتیں کیونکہ اس طرح کی اکائیوں میں جمع کی گئی رقم پر حکومت کی طرف سے کوئی ضمانت نہیں ہے۔
آر بی آئی نے پیر کے روز ایک بیان میں کہا کہ کوئی بھی کوآپریٹو سوسائٹی بینکنگ ریگولیشن ایکٹ 1949 یا اس کی (RBI) کی اجازت کے بغیر اپنے نام پر بینک کا نام نہیں جوڑ سکتی۔
مرکزی بینک نے کہا ہے کہ اس کے سامنے کچھ ایسے معاملات آئے ہیں جہاں کوآپریٹو سوسائٹیاں بینکنگ ریگولیشن ایکٹ 1949 کی دفعات کے خلاف اپنے نام میں بینک کا لفظ استعمال کر رہی ہیں۔ بیان میں کہا گیا ہے کہ کچھ ایسی کمیٹیاں ایسے افراد سے ڈپازٹ بھی وصول کر رہی ہیں جو ان کے ممبر نہیں ہیں/ یا عام/ وابستہ ممبر ہیں۔ ان کا یہ عمل بینکوں کے کام جیسا ہے جبکہ وہ بینکنگ ریگولیشن ایکٹ کے مطابق ایسا کام کرنے کے مجاز نہیں ہیں۔
ریزرو بینک نے عوام کو خبردار کیا ہے کہ ایسی سوسائٹیوں کو بینکنگ کاروبار کرنے کا لائسنس نہیں دیا گیا ہے۔ ڈپازٹ انشورنس اور کریڈٹ گارنٹی کارپوریشن (ڈی آئی سی جی سی ) کا تحفظ اس کے پاس جمع کی گئی رقم پر نہیں ملا ہے۔
بینکنگ ریگولیشن ایکٹ 1949 میں 2020 میں ترمیم کی گئی تھی تاکہ کوآپریٹو سوسائٹیاں ترمیم شدہ قانون کے تحت اور ریزرو بینک کی اجازت کے بغیر اپنے ناموں میں بینکنگ، بینک یا بینکر کے الفاظ شامل نہیں کر سکتیں۔
مزید پڑھیں:
- غیر قانونی سرگرمیوں کی روک تھام کے لیے نیا قانون بنانے کی سفارش
- وزیر اعظم نے آر بی آئی کی دو اسکیموں کا افتتاح کیا
- نوٹ بندی کے پانچ برس بعد کیا بدلا؟ Demonetisation
یو این آئی
