نئی دہلی: کانگریس کے سابق صدر راہل گاندھی نے ملک میں بڑھتی ہوئی بے روزگاری اور گذشتہ ایک ماہ سے زیادہ عرصے سے جاری کسانوں کے احتجاج پر مودی حکومت پر حملہ کرتے ہوئے منگل کو کہا ہے کہ' وزیر اعظم کو کسانوں، مزدوروں، غریبوں اور عام آدمی کی نہیں بلکہ صنعت کار دوستوں کی فکرہے۔'
راہل گاندھی نے ٹوئٹ کیا کہ 'نوجوانوں پر بے روزگاری کی مار، عوم پر مہنگائی کا ظلم، کسان پر 'دوستوں' والے قوانین کا حملہ، یہی ہے مودی حکومت'۔
اس کے ساتھ ہی انہوں نے ایک خبر پوسٹ کی جس میں لکھا ہے کہ نومبر میں 35 لاکھ لوگوں کی نوکریاں چلی گئیں۔ ملک میں روزگار کے مواقع میں کمی آئی ہے اور بے روزگاری میں اضافہ ہوا ہے۔
- یو این آئی -
