فاربس کی ریئل ٹائم ارب پتیوں کی فہرست میں مکیش امبانی نویں مقام پر قابض ہیں۔ ریئل ٹائم ارب پتیوں کی فہرست دن بہ دن ان کی جائیدادوں کے اندازوں کی بنیاد پر جاری کرتی ہے۔
ایشیا کے سب سے امیر آدمی مسٹر مکیش امبانی کی ریلائنس انڈسٹری کے شیئر جمعہ کو ریکارڈ قیمت اور جیو پلیٹ فارمس میں 115693.93 کروڑ کی سرمایہ کاری سے ان کی مجموعی جائیداد بڑھ کر ساڑھے چونسٹھ ارب ڈالر کے برابر ہوگئی ہے، جس سے وہ دنیا کے دس سب سے امیر لوگوں کے کلب میں بھی شامل ہوگئے ہیں۔
پہلے دس میں امریکی ارب پتیوں کا بول بالاہے۔ امریکہ کے سات ارب پتی پہلے دس میں شامل ہیں۔ امیزون کے مالک جیف بوجیس پہلے نمبر پر ہیں۔ اس کے علاوہ فرانس اور اسپین کا بھی ایک ایک ارب پتی پہلے دس میں شامل ہیں۔ مکیش امبانی ایشیا کے اکلوتے ارب پتی ہیں جو دنیا کے سب سے دس امیر لوگوں میں شامل ہیں۔ چین کا ایک بھی ارب پتی پہلے دس میں شامل نہیں ہے۔ چین کے ما ہوآتینگ انیسویں مقام پر ہیں۔
