Chhaya Verma Reacts on Union Budget: بجٹ میں غریبوں کے لیے کچھ نہیں، چھایہ ورما

کانگریس نے جمعرات کو راجیہ سبھا میں کہا کہ اگلے مالی برس کا مرکزی بجٹ صرف سرمایہ داروں اور امیروں کے لیے ہے اور اس میں غریبوں کے لیے کچھ نہیں ہے۔ Chhaya Verma Reacts on Union Budget

کانگریس سے راجیہ سبھا رکن چھایہ ورما نے ایوان میں مرکزی بجٹ 2022-23 پر بحث میں حصہ لیتے ہوئے کہا کہ بجٹ میں ایسے التزامات کئے گئے ہیں، جس سے امیر اور زیادہ امیر اور غریب، غریب تر ہوتے جائیں گے۔ ہیروں پر ٹیکس میں کمی اور مصنوعی زیورات پر ٹیکس بڑھانے پر تنقید کرتے ہوئے انہوں نے کہا کہ اس سے حکومت کی نیت ظاہر ہوتی ہے'۔ Budget 2022: Nothing for Poor, Congress

حکومت پر طنز کرتے ہوئے انہوں نے کہا کہ ’’بجٹ میں غریبوں کا، کا با‘‘۔ انہوں نے کہا کہ پانچ ریاستوں کے اسمبلی انتخابات حکومت اہلیت بتادیں گے۔ صرف ہوا میں باتیں کرنے سے حالات نہیں بدلتے۔ عوام مہنگائی کا شکار ہے اور اسمبلی انتخابات کے بعد عوام کو مہنگا ڈیزل، پیٹرول اور رسوئی گیس خریدنے کے لیے تیار رہنا چاہیے۔ Chhaya Verma Reacts on Union Budget

محترمہ ورما نے کہا کہ حکومت ڈرون فارمنگ کی بات کر رہی ہے۔ صرف بڑے کسان ہی اس کا استعمال کر سکیں گے اور زرعی مزدوروں کو کام نہیں ملے گا۔ جدید زراعت سے بے روزگاری نہیں بڑھنی چاہیے۔ انہوں نے کہا کہ عدالتی نظام برے حال میں ہے۔ جیلوں میں بند 75 فیصد قیدی زیر سماعت ہیں۔ جج خود انصاف مانگ رہے ہیں۔ عدالتوں میں کروڑوں مقدمات زیر التوا ہیں۔

کانگریس رکن نے کہا کہ حکمراں جماعت کے لوگ کہہ رہے ہیں کہ ملک کو اصل آزادی 2014 میں ملی تھی۔ یہ ان عظیم مجاہدین آزادی کی توہین ہے جنہوں نے اپنا سب کچھ قربان کر دیا۔

انہوں نے منریگا کا الاٹمنٹ میں کمی پر تنقید کی اور کہا کہ اس سے غریبوں کو نقصان پہنچے گا۔

یو این آئی