عالمی سطح پر واٹس ایپ کے ساتھ ساتھ انسٹا گرام اور فیس بک کی سروس بھی متاثر ہوگئی ہے۔
واٹس ایپ سروس نے بھارت کے مختلف شہروں میں کام کرنا چھوڑ دیا ہے، جس کے باعث شہریوں کو ایک دوسرے کے ساتھ رابطے میں مشکلات درپیش ہیں۔
دوسری جانب واٹس ایپ کی جانب سے ٹوئٹر پر ایک بیان جاری کیا گیا جس میں انہوں نے سروسز ڈاؤن ہونے پر صارفین سے معذرت کی ہے۔
واٹس ایپ نے لکھا کہ ہم اس بات سے آگاہ ہیں کہ کچھ لوگوں کو واٹس ایپ چلانے میں مسائل کا سامنا ہے۔
اس نے مزید لکھا کہ ہم تمام معاملات کو معمول پر لانے کے لیے کام کر رہے ہیں اور جلد اس بارے میں اپ ڈیٹ معاملے جاری کی جائے گی۔
انسٹگرام نے بھی ٹویٹ کیا ہے کہ انسٹاگرام اور دوستوں کو ابھی تھوڑا مشکل وقت درپیش ہے اور آپ کو ان کے استعمال میں دشواری ہو رہی ہے۔ ہمارے ساتھ رہو، ہم اس پر کام کررہے ہیں۔
فیسبک نے بھی ٹویٹ کیا ہے کہ ہم جانتے ہیں کہ کچھ لوگوں کو ہماری ایپس اور مصنوعات تک رسائی میں دشواری ہو رہی ہے۔ ہم چیزوں کو جلد سے جلد معمول پر لانے کے لیے کام کر رہے ہیں اور ہم کسی بھی قسم کی تکلیف کے لیے معذرت خواہ ہیں۔
