جموں و کشمیر کے پلوامہ میں ایس پی او جاوید احمد ڈار کو ضلع پولیس لائن پلوامہ میں خراج تحسین پیش کیا گیا۔ ضلع پلوامہ کے پنگلینہ علاقے میں عسکریت پسندوں کے حملہ میں ہلاک ہونے والے پولیس اہلکار کو ڈی پی ایل پلوامہ میں خراج تحسین پیش کیا گیا۔ تقریب میں پولیس کے اعلیٰ افسران نے شرکت کی۔ جاوید احمد ڈار کی عمر تقریباً 28 سالہ تھی۔ وہ بطور ایس پی او پولیس محمکہ میں اپنے فرائض انجام دے رہے تھے۔ Tribute to SPO Javed Ahmed Dar
یہ بات قابل ذکر ہے کہ آج دوپہر کے بعد ضلع کے پنگلینہ علاقے میں عسکریت پسندوں نے پولیس اور سی آر پی ایف اہلکاروں پر حملہ کیا، جس میں ایک پولیس اہلکار ہلاک جبکہ ایک سی آر پی اہلکار زخمی ہوا تھا۔ کشمیر زون پولیس نے ٹویٹ کرتے ہوئے بتایا کہ پلوامہ کے علاقے پنگلینہ میں عسکریت پسندوں کی فائرنگ میں ایک پولیس اہلکار ہلاک ہو گیا ہے۔ علاقہ کو محاصرہ میں لے کر کارروائی کی جا رہی ہے۔ Pulwama Attack
وہیں ایس پی او جاوید احمد کو پُرنم آنکھوں سے ان کے آبائی گاؤں واصورہ میں سپرد خاک کر دیا گیا۔ مقامی لوگوں کے مطابق جاوید احمد نیک سیرت اور پر خلوص شخصیت کے مالک تھے۔ ان کے رشتہ دارں نے پولیس کے اعلیٰ افسران سے اپیل کی کہ جاوید احمد کے والد کی ہر ممکن مدد کی جائے تاکہ والدین کو آنے والے وقت میں مشکلات کا سامنا نہ کرنا پڑے۔ ڈی آئی جی جنوبی کشمیر سوجیت کمار نے جاوید احمد کے اہل خانہ سے ہر ممکن مدد کی یقین دہانی کرائی ہے۔
یہ بھی پڑھیں: Pulwama Attack پلوامہ حملے میں ایک پولیس اہلکار ہلاک، سی آر پی ایف جوان زخمی
