لاہور:پاکستانی کرکٹ ٹیم کے آل راونڈرشعیب ملک نے کہا کہ ایشیاکپ کے دوران بابراعظم نے کہا کہ ورلڈکپ یہی اسکواڈ کھیلے گا انہوں نے مجھے مسلسل اسکواڈ سے آگاہ کیے رکھا اور بتانے کی کوشش کرتے رہے کہ میں ٹیم کا حصہ نہیں ہوں گا۔Shoaib Malik Criticise Babar Azam
شعیب ملک نے کہا کہ ٹیم میں شامل نہ کرنے پر میری بابراعظم سے کوئی ناراضی نہیں ہے میں ان کے لیے دعاگو ہوں کہ وہ اچھا کھیلیں اور ٹیم کی پرفارمنس بھی اچھی ہو میری دعائیں بابر کے ساتھ ہیں۔
سابق کپتان نے کہا کہ بابراعظم کو اپنا چھوٹا بھائی سمجھتا ہوں جب جب بابر کو میری ضرورت پڑی خواہ ٹیم یا اس کی اپنی کارکردگی سے متعلق ہو تو میں معاونت کرتا رہا ہوں اور آگے بھی کرتا رہوں گا۔
ان کا کہنا تھا کہ جب بابراعظم کپتان بن گئے تو ان سے فاصلہ اختیار کر لیا تاکہ وہ اپنے فیصلے بہتر انداز میں کر سکیں قیادت میں اکیلے رہنے سے ہی کپتان بہت کچھ سیکھتا ہے۔
مزید پڑھیں:India vs Bangladesh بنگلہ دیش نے سنسنی خیز مقابلہ جیت کر سیریز پر قبضہ کیا
شعیب ملک کا کہنا تھا کہ ٹیم میں شامل نہ کرنے پر مجھے کوئی افسوس نہیں ہے میں یہ نہیں سوچتا تھا کہ ٹیم میں شامل نہیں کیا تو ناراض ہو جاؤں، چاہتا ہوں کہ بابر اچھی طرح قیادت کرے اور ٹیم کی رینکنگ اچھی ہو۔Shoaib Malik Criticise Babar Azam
