نئی دہلی: قومی دارالحکومت دہلی کی شاہجہانی جامع مسجد میں نماز کے بعد مسجد کے باہر نوپور شرما اور نوین کمار جندل کے خلاف احتجاجی مظاہرہ کیا گیا۔ اس مظاہرے میں ہزاروں کی تعداد میں لوگوں نے شرکت کی اور پیغمبر اسلام کے خلاف نازیبا تبصرے کرنے والے کو سخت سے سخت سزا دلانے کا مطالبہ کیا۔ Protest Against Islamophobia In Delhi
یہ مظاہرہ نبی صلی اللہ علیہ وسلم کی شان میں گستاخی Prophet Remark Row کے خلاف تھا۔ احتجاج میں مظاہرین نے مطالبہ کیا کہ نوپور شرما اور نوین کمار جندل کو جلد از جلد گرفتار کیا جائے اور ان کے خلاف سخت کاروائی کرتے ہوئے پھانسی کی سزا دی جائے۔
اس موقع پر ای ٹی وی بھارت سے بات کرتے ہوئے مظاہرین نے کہا کہ ہم اپنے نبی پاک صلی اللہ علیہ وسلم کی شان میں گستاخی کرنے والوں کو کبھی معاف نہیں کریں گے۔ اس لیے ہم آج ملک گیر سطح پر احتجاجی مظاہرے کر رہے ہیں۔ آج ملک بھر میں بند کا اعلان کیا گیا ہے۔ انہوں نے کہا کہ ہم حکومت سے مطالبہ کرتے ہیں کہ قصور واروں کو جلد از جلد گرفتار کرکے سزا دی جائے۔
یہ بھی پڑھیں:
لوگوں کا کہنا تھا کہ ہم اپنے نبی کی شان میں گستاخی بالکل بھی برداشت نہیں کریں گے۔ اس لیے ملک اور بیرون ملک میں قصورواروں کے خلاف احتجاجی مظاہرے کیے جا رہے ہیں۔ Protest Against Nupur Sharma And Naveen Jindal
