دہرادون: ریاست اتراکھنڈ کے ضلع اترکاشی کے پرولا میں مبینہ تبدیلیٔ مذہب کے معاملے کو لے کر کافی ہنگامہ ہوا، جس کے بعد پولیس نے پادری امن پاسٹر اور ان کی اہلیہ ایکتا کو گرفتار کرلیا ہے۔ دیر رات دہرادون کے پرنس چوک سے اترکاشی کی نوگاؤں پولس نے اس معاملے میں دونوں جوڑے کو گرفتار کر لیا۔ پادری اور ان کی اہلیہ کو مبینہ تبدیلیٔ مذہب کے معاملے میں نئے قانون کے تحت گرفتار کیا گیا ہے۔ 23 دسمبر 2022 کو اترکاشی میں مبینہ تبدیلیٔ مذہب کے معاملے میں پجاری سمیت سات لوگوں کے خلاف مقدمہ درج کیا گیا تھا۔
اتراکھنڈ میں نئے قانون کے تحت دفعات بڑھا دی گئی ہیں۔ اس کے بعد پولیس ہیڈ کوارٹر کی نگرانی میں مسلسل تفتیش جاری ہے۔ اس سلسلے میں پادری اور ان کی بیوی کو گرفتار کر لیا گیا ہے۔ الزام ہے کہ گزشتہ دسمبر 2022 میں کرسمس سے دو دن قبل پرولا کے کئی گاؤں میں مبینہ طور پر تبدیلیٔ مذہب کا معاملہ سامنے آیا تھا اور تبدیلیٔ مذہب قانون کے تحت تبدیلیٔ مذہب کے الزام میں پادری سمیت سات افراد کے خلاف مقدمہ درج کیا گیا تھا۔
مزید پڑھیں:۔ Rampur Religious Conversion Case مذہب تبدیل کرانے کے الزام میں پادری گرفتار
بتایا جاتا ہے کہ یہ واقعہ 23 دسمبر 2022 کا ہے۔ تبدیلیٔ مذہب کا ترمیمی قانون 22 دسمبر 2022 کو اتراکھنڈ میں نافذ ہوا۔ نئے قانون کے تحت 10 سال قید، جرمانہ اور گرفتاری کی سزا ہے۔ اسی نئے قانون کے تحت اترکاشی پولیس نے اس معاملے میں کارروائی کو اپ ڈیٹ کرتے ہوئے بدھ کی رات پادری اور ان کی بیوی کو گرفتار کر لیا۔ بتایا جا رہا ہے کہ آنے والے دنوں میں نئے قانون کے تحت دیگر ملزمان کو بھی گرفتار کیا جا سکتا ہے۔ آپ کو بتاتے چلیں کہ اتراکھنڈ میں ایک ماہ میں دہرادون، اترکاشی (پرولا) اور ہریدوار میں تبدیلیٔ مذہب کے تین معاملات درج کیے گئے ہیں۔
