نئی دہلی: پارلیمنٹ کے مانسون اجلاس 2023 کا آج تیسرا دن ہے۔ ایوان کی کارروائی صبح 11 بجے شروع ہوئی۔ منی پور واقعہ کو لے کر آج بھی دونوں ایوانوں میں ہنگامہ جاری رہا جس کے بعد دونوں ایوانوں کی کارروائی دوپہر دو بجے تک ملتوی کر دی گئی۔ اپوزیشن نے مانسون اجلاس کے دوسرے دن منی پور کے واقعہ پر اپوزیشن جماعتوں کے اراکین پارلیمنٹ کے زبردست ہنگامہ آرائی کے درمیان لوک سبھا کی کارروائی پہلے دوپہر 12 بجے تک اور پھر 24 جولائی تک کے لیے ملتوی کر دی گئی تھی۔ راجیہ سبھا کا بھی ایسا ہی حال رہا۔ راجیہ سبھا کی کارروائی بھی پہلے دوپہر ڈھائی بجے تک اور پھر 24 جولائی تک ملتوی کر دی گئی۔
واضح رہے کہ پارلیمنٹ کا مانسون اجلاس 20 جولائی سے شروع ہو کر 11 اگست تک چلے گا۔ اس سیشن میں مرکزی حکومت کو دہلی سروس آرڈیننس سمیت 31 بل پاس کرنے ہیں۔ وہیں اس سے قبل جمعہ کو لوک سبھا میں اپوزیشن کے ہنگامہ کے درمیان وزیر دفاع راج ناتھ سنگھ نے کہا کہ منی پور کا واقعہ بہت سنگین ہے۔ انہوں نے الزام لگایا کہ کچھ اپوزیشن پارٹیاں منی پور واقعہ کے حوالے سے پارلیمنٹ کی کارروائی نہیں ہونے دینا چاہتیں۔ وزیر اعظم نریندر مودی نے خود کہا ہے کہ منی پور میں جو کچھ ہوا اس نے پورے ملک کو شرمندہ کر دیا ہے۔ دوسری جانب بی جے پی نے بھی مغربی بنگال اور راجستھان سمیت دیگر ریاستوں میں خواتین پر ہونے والے مظالم کے حوالے سے انڈیا (انڈین نیشنل ڈیولپمنٹل انکلوسیو الائنس) کا مقابلہ کرنے کی حکمت عملی تیار کر لی ہے۔
یہ بھی پڑھیں: Parliament Monsoon Session مانسون سیشن کے آغاز سے ہی زبردست ہنگامہ، دونوں ایوانوں کی کارروائی ملتوی
پارلیمانی امور کے وزیر پرہلاد جوشی نے کہا ہے کہ جب بھی اسپیکر ہدایات دیتے ہیں، ہم پارلیمنٹ میں منی پور کے معاملے پر اپوزیشن کے ہنگامے پر بحث کے لیے تیار ہیں۔ امت شاہ نے باضابطہ طور پر اسپیکر اور چیئرمین کو بتایا ہے کہ ہم بحث کے لیے تیار ہیں۔ اپوزیشن کی طرف سے نئے مطالبات لانا اور بحث میں خلل ڈالنا غلط ہے۔ اہم بل ہیں اور پی ایم مودی کی قیادت میں بی جے پی پارلیمنٹ میں جامع بحث کرنا چاہتی ہے۔ اپوزیشن صرف غلط کہانی بنا کر پارلیمنٹ کی کارروائی میں خلل ڈالنے کی کوشش کرتی ہے۔
