راشٹروادی کانگریس پارٹی کی صدر روپالی تائی کے ہدایت پر ریاست میں آج مہنگائی کے خلاف احتجاج کیا گیا۔ اس موقع پر یاسمین سید نے اظہار خیال کرتے ہوئے کہا کہ مودی سرکار نے اچھے دنوں کا نعرہ دیا لیکن ہر دن بد سے بدتر ہوتے جارہے ہیں، غریب عوام کے گھروں کا چولہا بجھ گیا اور مودی حکومت تاجروں کی آلہ کار بن گئی۔
انہوں نے کہا کہ اڈانی، امبانی جیسے کارپوریٹ لوگوں کے اچھے دن آئے ہیں لیکن غریب کے گھر میں فاقہ کشی کی نوبت آچکی ہیں۔
سید یاسمین نے کہا کہ کھانے کا تیل، پیٹرول، ڈیزل اور روز مرہ زندگی کے ساز و سامان کی قیمتوں میں حکموت فوری طور پر کمی لائے اور عوام کو راحت دینے کا کام کرے ورنہ مودی حکومت کو اس بار ملک کی عوام گھر کا راستہ دکھا دے گی۔
یاسمین سید نے تقریر کرتے ہوئے مودی حکومت پر طنز کرتے ہوئے کہا کہ محبت بھائی چارے کے سہنانے دن ہی لوٹا دو، وہ سستی دال سبزی کے پرانے دن ہی لوٹا دو، یہ اچھے دن تو اڈانی امبانی کو مبارک ہو، ہمیں ایسا کرو صاحب پرانے دن ہی لوٹا دو ۔
راشٹروادی کانگریس پارٹی کے ضلع صدر آصف شیخ کی سرپرستی میں مرکزی حکومت اور مہنگائی کے خلاف راشٹروادی کانگریس پارٹی مہیلا سیل نے گیس سلینڈر کو پھول ہار پہنا کر آگرہ روڈ پر زبردست احتجاجی مظاہرہ کیا ۔
مزید پڑھیں:۔ مالیگاؤں: سڑکیں خستہ حالی کا شکار
اس احتجاجی مظاہرہ میں مہیلا سیل کی صدر یاسمین سید، کارگزار صدر شاہینہ انصاری، سابق کارپوریٹر فاطمہ ہارون، صغریٰ آپا، سائرہ اسلم خان، مہر بانو صبا شاہد اختر، نجمہ نثار احمد، نینا سبھاش پوار، روپالی دنڈوے دیپالی سونپتے ریکھا واگھ سمیت مسلم وغیرہ مسلم خواتین بڑی تعداد میں موجود تھیں۔
اسکے علاوہ اس مظاہرے کی رہنمائی اجو لہسن والا، ندیم پھنی والا، مجاھد ساگر، ایوب خان، شکیل جانی بیگ، منموہن شیوالے نے کی۔
