Mule Dies In Ramban: گرے ہوئے بجلی تار کے زد میں آنے سے خچر کی موت

رامبن: جموں و کشمیر کے ضلع رامبن کی سب ڈویژن گول علاقہ سنگلدان کے حجام محلہ میں گزشتہ شام ایک خچر ہلاک ہو گیا۔ یہ حادثہ اس وقت پیش آیا خچر ایک خستہ حال راستے سے گزر رہا تھا، اسی دوران اچانک بجلی کی ترسیلی لائن اُس پر گر گئی جس کے سبب موقع پر ہی اس کی موت ہوگئی۔ بتایا جاتا ہے کہ راج گڑھ کا ایک مزدور شخص سنگلدان میں مزدوری کرنے کے لئے آیا تھا اور خچروں کے ذریعے سے یہاں لوگوں کا سامان ڈھویا کراتا تھا۔ حادثہ والے روز وہ یہاں سے خچر لے کر جا رہا تھا کہ اچانک بجلی کی ترسیلی لائن خچر کے اوپر گری اور موقع پر ہی اس کی موت ہوگئی۔ Mule in sangaldan dies after a live wire falls on it in Ramban

موقع پر موجود لوگوں نے بمشکل اپنی جان بچائی اور محکمہ پی ڈی ڈی کے خلاف احتجاج کیا ۔ مقامی لوگوں کا کہنا ہے کہ بجلی کی ترسیلی لائنیں عارضی طور پر سر سبز درختوں اور عارضی بوسیدہ کھمبوں کے ساتھ باندھی ہوئی ہیں، جس کے سبب اس طرح کے حادثات پیش آتے رہتے ہیں کیونکہ یہ لائنیں کسی بھی وقت گر سکتی ہیں۔ لوگوں نے کہا کہ یہ لاپروائی محکمہ پی ڈی ڈی کی ہے۔ جس کی وجہ سے ایک غریب کا خچر ہلاک ہو گیا۔ لوگوں نے انتظامیہ سے مطالبہ کیا کہ اس غریب مزدور کو معاوضہ دیا جائے تاکہ اس کے نقصان کی بھر پائی ہو سکے ۔ اس سلسلے میں سنگلدان پولیس نے معاملہ درج کر کے تحقیات شروع کر دی ہے۔