رامبن: جموں و کشمیر کے سرینگر میں ہوئے انکاونٹر میں ہلاک ہونے والے پولیس کانسٹیبل سرفراز احمد کو آج ان کے آبائی وطن رامبن میں خراج عقیدت پیش کیا گیا۔ آئی آر پی 16 ہیڈکوارٹر پرنوت رامبن میں ہلاک پولیس اہلکار کو خراج عقیدت پیش کیا گیا۔ ڈی آئی جی ڈی کے آر رینج ضلع ترقیاتی کونسل چیئرپرسن سمیت پولیس افسران، سیکورٹی فورسز کے اہلکار اور مقامی لوگوں نے پھول چڑھا کر متوفی کو سلامی پیش کی۔ پولیس نے کہا کہ ہلاک ہوئے پولیس اہلکار کی قربانی کو ہمیشہ یاد رکھا جائے گا۔ Last rites of irp jawan held in headquarters pernote ramban
مزید پڑھیں:
Srinagar Encounter: سرینگر تصادم میں پولیس اہلکار اور عسکریت پسند زخمی
واضح رہے کہ جمو و کشمیر کے دارالحکومت سرینگر کے نوہٹہ علاقے میں گزشتہ روز دیر شام کو سیکورٹی فورسز اور عسکریت پسندوں کے مابین تصادم ہوا، جس میں ایک پولیس اہلکار اور ایک عسکریت پسند زخمی ہوگئے تھے۔ پولیس نے تصدیق کرتے ہوئے بتایا کہ پولیس کانسٹیبل سرفراز احمد ساکنہ بٹوٹ ضلع ڈوڈہ اس تصادم میں زخمی ہوئے ہیں جبکہ ایک عسکریت پسند بھی اس تصادم میں زخمی ہوا ہے۔ پولیس نے کہا کہ مذکورہ پولیس اہلکار کو ہسپتال میں منتقل کیا گیا جہاں انکی حالت نازک بتائی گئی تاہم بعد میں علاج کے دوران ہی ان کی موت واقع ہوگئی۔
