کرناٹک اسمبلی انتخابات کو لے کر بھارتیہ جنتا پارٹی کی اعلیٰ قیادت کے درمیان کئی دور کی میٹنگ کو حتمی شکل دیتے ہوئے منگل کو کرناٹک اسمبلی انتخابات کے لیے 189 امیدواروں کی فہرست جاری کی۔ بی جے پی کے قومی صدر جے پی نڈا، کرناٹک کے وزیر اعلیٰ بومئی اور مرکزی وزیر داخلہ امیت شاہ نے ریاست میں امیدواروں کے ناموں کے سلسلے میں نئی دہلی میں میٹنگ کی۔ مرکزی وزیر نے اس بی جے پی کے امیدواروں کی فہرست جاری کی ہے۔
میڈیا سے بات کرتے ہوئے بی جے پی کے قومی جنرل سکریٹری ارون سنگھ نے کہا کہ کرناٹک اسمبلی انتخابات کے لیے نامزد کیے گئے 189 امیدواروں میں سے 52 نئے ہیں۔ ارون سنگھ نے کہا کہ کرناٹک کے وزیر اعلی بسواراج بومئی شیگاؤں حلقہ سے انتخاب لڑیں گے۔ اس کے علاوہ کرناٹک کے سابق وزیر اعلیٰ اور بی جے پی لیڈر بی ایس یدی یورپا کے بیٹے وجیندر شکاری پورہ سیٹ سے انتخاب لڑیں گے جبکہ ریاستی وزیر بی سری رامولو بیلاری دیہی سیٹ سے الیکشن لڑیں گے۔
مرکزی وزیر دھرمیندر پردھان اور کرناٹک کے بی جے پی کے قومی جنرل سکریٹری انچارج ارون سنگھ نے یہاں نامہ نگاروں سے خطاب کرتے ہوئے امیدواروں کے ناموں کا اعلان کیا۔ سنٹرل الیکشن کمیٹی کی میٹنگ کے بعد بی جے پی کے اعلیٰ لیڈروں نے کئی دور کی میٹنگیں کیں اور اس کے بعد امیدواروں کے ناموں کو حتمی شکل دی گئی۔ سنگھ نے بتایا کہ پارٹی نے 52 نئے چہروں کو میدان میں اتارا ہے۔ ان کے مطابق، 189 امیدواروں کی فہرست میں، 32 دیگر پسماندہ طبقات (او بی سی) سے ہیں جبکہ 30 درج فہرست ذات اور 16 درج فہرست قبائل سے ہیں۔
