آل انڈیا مجلس اتحاد المسلمین کے سربراہ اسد الدین اویسی نے کہا کہ اترپردیش کے لوگوں نے بی جے پی کو دوبارہ اقتدار سونپنے کا فیصلہ کیا ہے اور وہ ان کے فیصلے کا احترام کرتے ہیں۔ I I Respect Decision of UP Voters: Asaduddin Owaisi
حیدرآباد میں میڈیا کے نمائندوں سے خطاب کرتے ہوئے اویسی نے کہا کہ "یوپی کی عوام نے بی جے پی کو دوبارہ اقتدار سونپنے کا فیصلہ کیا ہے، میں عوام کے فیصلے کا احترام کرتا ہوں، میں ایم آئی ایم کے ریاستی صدر، کارکنوں، اراکین اور عوام کا شکریہ ادا کرتا ہوں جنہوں نے ہمیں ووٹ دیا۔ ہماری کوششیں کافی کامیاب تھیں، لیکن نتائج ہماری توقعات کے مطابق نہیں آئے۔ ہم دوبارہ محنت کریں گے۔"
انہوں نے مزید کہاکہ "تمام سیاسی پارٹیاں ای وی ایم کے معاملے کو اٹھا کر اپنی شکست کو چھپانے کی کوشش کر رہی ہیں۔ یہ ای وی ایم کی غلطی نہیں ہے، بلکہ لوگوں کے ذہنوں میں چپ لگا دی گئی ہے، یہ کامیابی 80-20 کے فارمولہ سے ملی ہے۔ ہم کل سے دوبارہ کام شروع کر دیں گے۔ اور مجھے یقین ہے کہ ہم اگلی بار بہتر کریں گے۔"
مزید پڑھیں:۔ Review of AIMIM's Failure in UP: اتر پردیش نے ایک بار پھر اسد الدین اویسی کو خارج کر دیا
اویسی نے مزید کہاکہ "اترپردیش کی اقلیتوں کو صرف ووٹ بینک کے طور پر استعمال کیا گیا ہے۔ لکھیم پور کھیری میں بھی بی جے پی جیت گئی، اسی لیے میں کہہ رہا ہوں کہ یہ 80-20 کی جیت ہے، یہ 80-20 کی صورتحال برسوں تک رہے گی۔ لیکن ہمارے حوصلے اب بھی بلند ہیں۔"
