کلکتہ فٹبال لیگ 2021 کے پریمیر ڈویژن گروپ بی میں جارج ٹیلی گراف اور کلکتہ کسٹم کی ٹیمیں اپنے اپنے میچز جیت کر پوائنٹ ٹیبل میں پیش قدمی میں کامیاب رہیں. ایشیا کے قدیم ترین مقابلہ کلکتہ فٹبال لیگ 2021 کے پریمیر ڈویژن گروپ بی میں جارج ٹیلی گراف اور کلکتہ کسٹم کی ٹیمیں اپنے اپنے میچ جیت کر پوائنٹ ٹیبل میں پیش قدمی میں کامیاب رہیں.
مغربی بنگال کے دارالحکومت کولکاتا میں واقع تاریخی فٹبال کلب محمڈن اسپورٹنگ کے گراؤنڈ میں جارج ٹیلی گراف اور ٹالی گنج اگرامی کی ٹیمیں آمنے سامنے ہوئیں. دونوں ٹیموں کے درمیان دلچسپ اور سنسنی خیز مقابلہ دیکھنے کو ملا. دونوں جانب سے ایک دوسرے پر پے درپے حملے ہوئے.
دونوں ٹیموں کی تمام تر کوششوں کے باوجود ایک دوسرے پر سبقت حاصل کرنے کا کوئی موقع نہیں ملا اور پہلے ہاف میں میچ کا اسکور 0-0 رہا. دوسرے ہاف میں بھی جارج ٹیلی گراف اور ٹالی گنج اگرامی کی ٹیموں کے درمیان کھیل کے مقررہ وقت تک برتری کی جنگ جاری رہی.
کھیل کے انجوری ٹائم 90+2 ویں منٹ پر مہوتوچ رائے راج بنسی نے جارج ٹیلی گراف کے لئے فیصلہ کن گول کرکے اپنی ٹیم کو تین پوائنٹ دلائے.
- یہ بھی پڑھیں:شمالی 24 پرگنہ: ریپ اور قتل کی دھمکی مجھے روک نہیں سکتی: ڈاکٹر نوشین بابا خان
- کلکتہ فٹبال لیگ 2021: بھوانی پور ایف سی نے یونائٹیڈ ایس سی کو شکست دی
- کلکتہ فٹبال لیگ 2021: بی ایس ایس سی نے ریلوے ایف سی کو شکست دی
کلکتہ فٹبال لیگ 2021 کے ایک دوسرے میچ میں کلکتہ کسٹم نے ایرین کلب کو ایک دلچسپ اور سنسنی خیز مقابلے میں ایک صفر سے شکست دے دی. جنوبی کولکاتا میں واقع رابندر سرور اسٹیڈیم میں کھیلے گئے میچ میں الوکیوس متھویز نے گول کے گول کی بدولت کلکتہ کسٹم نے ایرین کو شکست دے دی. رواں لیگ میں ایرین کلب کی یہ دوسری شکست ہے.
