شمال مشرقی دہلی میں 26 فروری کو ہوئے تشدد میں ایک شخص کی مسخ شدہ لاش برج پوری میں ایک مٹھائی کے دوران کے سامنے پائی گئی تھی۔
دہلی کی عدالت نے اس قتل کے الزا میں پیر کے روز شاہنواز کی پولیس تحویل میں مزید دو روز کی توسیع کی تھی۔ کرکرڈوما کی ڈپٹی مجسٹریٹ رچا پریہار نے دہلی پولیس کو شاہنواز سے مزید دو دن پوچھ گچھ کی اجازت دی تھی۔
پولیس کے مطابق دہلی کے شیو وہار علاقہ میں 24 فروری کو فسادات کے دوران محمد شاہنواز کے علاوہ کئی دیگر افراد نے پتھر بازی کی ، کئی دکانوں کو آگ لگادی۔ اس کے علاوہ ہجوم نے تشدد کے دوران ایک 22 سالہ دلبر نیگی کے ہاتھ پیر کاٹ کر اسے جلادیا تھا۔
پولیس کے مطابق ملزم شاہنواز نے ایک ہجوم کے ساتھ ایک کتابوں کی دوکان اور مٹھائی کے دوکان کے گودام میں کو جلا دیا تھا دو دن بعد دوکان سے دلبر کی لاش دستیاب ہوئی تھی۔
موقع واردات پر موجود چشم دید گواہ نے شاہنواز کو پہنچان لیا جو اس وقت ہجوم کی قیادت کررہا تھا۔ ملزم کے خلاف تعزیرات ہند کی مختلف دفعات کے تحت گوکل پوری پولیس اسٹیشن میں ایف آئی آر درج کی گئی تھی۔
شمال مشرقی دہلی میں پیش آئے تشدد میں جو تین دن جاری رہا 53 افراد ہلاک اور 200 سے زائد زخمی ہوگئے تھے۔
