افغانستان کے صوبہ ننگرہار میں جمعے کو ہونے والے ایک دھماکے میں کم از کم 15 افراد زخمی ہو گئے، مقامی ذرائع کے مطابق مقامی لوگوں نے بتایا کہ یہ دھماکہ نماز کے دوران مشرقی ننگرہار کی شدل مسجد میں نصب دیسی ساختہ بم (آئی ای ڈی) سے ہوا۔
علاقے کے ایک رہائشی سید قیوم شنواری نے ذرائع کو بتایا کہ دھماکے میں زخمی ہونے والے تین افراد کی حالت تشویشناک ہے۔ چند روز قبل صوبہ ننگرہار کے دارالحکومت میں بھی دو دھماکے ہوئے تھے جس میں تین افراد ہلاک اور متعدد زخمی ہوگئے تھے۔
مزید پڑھیں:۔ Kandhar Suicide Attack: مساجد میں خود کش بم دھماکہ کرنا یہ کیسا اسلام ہے؟
روسی خبر رساں ایجنسی سپوتنک نے اتوار کو ایک عینی شاہد کے حوالے سے اطلاع دی ہے کہ ننگرہار کے شہر جلال آباد میں دو دھماکے ہوئے جس کے بعد فائرنگ کا واقعہ پیش آیا۔
(اے این آئی)
