اننت ناگ: جموں و کشمیر کے اننت ناگ ضلع کے پہاڑی علاقہ کپرن میں واقع ایک رہائشی مکان میں آگ لگ گئی جس کے سبب وہ مکان خاکستر ہوگیا ہے۔ بدھ کی شام حالسیڈار گوجر بستی میں محمد شفیع بملہ کے رہائشی مکان سے اچانک آگ نمودار ہوئی، اسی دوران یہاں موجود مقامی لوگوں نے آگ پر قابو پانے کی کوشش کی تاہم بھیانک آگ کے سامنے لوگ بے بس نظر آئے، جس کے نتیجے میں مکان مکمل طور پر خاکستر ہوگیا ہے۔a residential house gutted by fire in anantnag
مزید پڑھیں:۔ آگ لگنے سے مکان خاکستر
مقامی لوگوں نے علاقہ میں فائر سروس سہولیات دستیاب نہ ہونے کے سبب انتظامیہ کے تیئں سخت برہمی کا اظہار کرتے ہوئے کہا کہ علاقے میں فائر بریگیڈ دستیاب نہ ہونے کے سبب یہاں لوگوں کو اکثر و بیشتر مالی نقصان اٹھانا پڑتا ہے۔ انہوں نے کہا کہ کپرن سے ڈورو تقریباً 22 کلو میٹر پہاڑی راستہ ہے۔ جس کی وجہ سے فائر سروس عملہ وقت پر نہیں پہنچ پاتا ہے۔ انہوں نے کہا کہ علاقے کے لوگ کافی عرصہ سے فائر اسٹیشن کا مطالبہ کر رہے ہیں تاہم آج تک داد رسی نہیں ہوئی ہے۔ اس دوران واردات کے مقام پر مشتعل ہجوم نے فائر بریگیڈ گاڑی پر حملہ کرکے اس کے شیشے توڑ دئے۔
