سرکاری ذرائع نے بتایا کہ کھبلان گاؤں اور ضلع سے متصل علاقوں میں محاصرے اور تلاشی کی کارروائی کی وجہ سے تھنا منڈی سے راجوری کی طرف جانے والی ٹریفک کو بھی روک دیا گیا ہے۔
انہوں نے کہا کہ ’’ تلاشی مہم جمعہ اور ہفتہ کی درمیانی شب میں شروع کی گئی تھی، جب کہ آج صبح سڑک کو ٹریفک کے لیے بند کردیا گیا۔ یہ مشترکہ آپریشن فوج، پولیس کے اسپیشل گروپس اور نیم فوجی دستے کررہے ہیں۔ انہوں نے کہا کہ سرچ پارٹی نے بھی چند راؤنڈ فائرنگ کی اور آپریشن ابھی بھی جاری ہے۔
مزید پڑھیں:۔ سرینگر کے بمنا علاقے میں سیکیورٹی اہلکاروں پر فائرنگ
قابل ذکر ہے کہ سیکورٹی فورسز نے 12 ستمبر کو راجوری ضلع کے تھنا منڈی علاقے میں انکاؤنٹر میں ایک عسکریت پسند کو ہلاک کردیا تھا۔ اس سے قبل اگست کے مہینے میں تھنا منڈی کے علاقے میں سیکورٹی فورسز نے الگ الگ مقابلوں میں تین عسکریت پسندوں کو ہلاک کر دیا تھا۔
(یو این آئی)
