ریاست اترپردیش کے ضلع باغپت میں ایک مسلمان شخص پر یہ الزام ہے کہ اس نے ایک ہندو خاندان کو مبینہ طورپرقتل کرنے کی دھمکی دی ہے۔ الزام ہے کہ مسلم نوجوان راجیش نامی شخص پر اس کی بیٹی کو اپنے ساتھ بھیجنے کے لیے دباؤ ڈال رہا تھا۔
Accused of threatening to kill a Muslim youth
ضلع میں مسلم برادری سے تعلق رکھنے والے ایک نوجوان نے مبینہ طورپرہندو خاندان کا سر تن سے جدا کرنے کی دھمکی دی ہے۔ دھمکی ملنے کے بعد متاثرہ خاندان نے پولیس سے مدد کی اپیل کی ہے۔ متاثرہ کی شکایت پر پولیس نے ملزم نوجوان رئیس کے خلاف 67 اے، 506 کے تحت مقدمہ درج کر لیا ہے۔ واقعہ تھانہ کھیکڑا کا ہے۔ متاثرہ نے بتایا کہ رئیس نامی نوجوان نے اسے جان سے مارنے کی دھمکی دی ہے۔
درج ایف آئی میں متاثرہ نے بتایا کہ وہ اپنی بیوی کے ساتھ اسکوٹر پر کسی کام سے باہر جا رہا تھا۔ تب رئیس نامی شخص نے اسکوٹر روکا اور میری بیٹی کے بارے میں پوچھنے لگا۔ جواب میں راجیش نے کہا کہ میری بیٹی سے تمہارا کیا مطلب ہے تو رئیس نے مبینہ طورپر اس کا سر قلم کرنے کی دھمکی دی۔ یہی نہیں ملزم نے کہا کہ اگر اس نے اپنی لڑکی کو اپنے ساتھ نہ بھیجا تو وہ لڑکی کے والد اور بھائی کو قتل کر دے گا۔
ملزم نے بیٹی کی فحش ویڈیو وائرل کرنے کی دھمکی بھی دی۔ متاثرہ فریق کا کہنا ہے کہ ملزم رئیس اس پر لڑکی کو اپنے ساتھ بھیجنے کے لیے دباؤ ڈال رہا ہے۔ اس معاملے پر کوئی بھی پولیس افسر بولنے کو تیار نہیں۔ اس کے ساتھ ہی مقامی لوگوں کے مطابق رئیس کا ایک ہندو لڑکی سے معاشقہ چل رہا ہے۔ کسی طرح لڑکی کے گھر والوں کو اس بات کا علم ہوا۔ لڑکی کے گھر والے اس کی مخالفت کر رہے ہیں۔
