نئی دہلی: سپریم کورٹ نے منگل کو اٹارنی جنرل آف انڈیا آر وینکٹرامانی اور سالیسٹر جنرل تشار مہتا سے کہا کہ وہ جموں و کشمیر کے لیے ریاست کا درجہ بحال کرنے کے لیے ایک ٹائم فریم کے بارے میں اعلیٰ سطح سے ہدایت طلب کریں۔ چیف جسٹس آف انڈیا ڈی وائی چندرچوڑ کی سربراہی میں پانچ ججوں کی آئینی بنچ آرٹیکل 370 کی منسوخی کو چیلنج کرنے والی درخواستوں کی سماعت کر رہی ہے۔
چیف جسٹس نے سالیسٹر جنرل تشار مہتا سے کہا کہ حکومت کو عدالت کے سامنے یہ بیان بھی دینا ہوگا کہ جموں و کشمیر کی ترقی ایک ریاست میں ہونی ہے اور یہ مستقل طور پر یونین ٹیریٹری نہیں ہوسکتی ہے۔
جس پر مہتا نے کہا کہ یہ بالکل وہی بیان ہے جو ایوان کے فلور پر دیا گیا تھا کہ جموں و کشمیر کو یونین ٹریٹری میں تبدیل کرنا کوئی مستقل طور پر نہیں ہے۔ مہتا نے کہا کہ حالات معمول پر آنے کے بعد،"ہم چاہتے ہیں کہ جموں و کشمیر دوبارہ ریاست بن جائے"۔
چیف جسٹس نے کہا کہ ہم آپ کو پابند نہیں کرنا چاہتے کیونکہ ہم اس حقیقت سے آگاہ ہیں کہ یہ قومی سلامتی کے معاملات ہیں۔ ہم سمجھتے ہیں کہ قوم کا تحفظ سب سے پہلے ہے۔ لیکن آپ اور اٹارنی جنرل دونوں اعلیٰ ترین سطح پر ہدایات طلب کر سکتے ہیں، کیا کوئی ٹائم فریم نظر میں ہے کہ جموں وکشمیر کو ریاستی درجہ بحال ہو؟
تشار مہتا نے کہا کہ حکومت نے کہا تھا کہ ایک بار کوششیں نتیجہ خیز ہیں اور "سب کچھ نارمل ہے"۔ چیف جسٹس نے کہا کہ ‘جمہوریت کی بحالی بہت ضروری ہے، یہ ہماری قوم کے لیے ایک اہم جز ہے، ہم ایسی صورتحال نہیں بن سکتے جہاں… جس کے جواب میں مہتا نے کہا کہ 2020 میں جموں و کشمیر میں مقامی حکومتوں کے انتخابات ہوئے اور کئی ہزار لوگ منتخب ہوئے اور کوئی ہڑتال نہیں ہوئی۔چیف جسٹس نے کہا کہ اس لیے پیشرفت، ہم آپ کی بات سمجھتے ہیں کہ پیشرفت شروع ہو چکی ہے، کیا یہ روڈ میپ ہے، ہمیں بتائیں کہ روڈ میپ کیا ہے؟
سماعت کے دوران سپریم کورٹ نے نوٹ کیا کہ "جیسا کہ آزادی کے بعد بھارت میں یونین ٹیریٹری کی تشکیل ہوئی، آپ کے پاس چندی گڑھ جیسی ایک مثال موجود ہے جسے پنجاب تنظیم نو ایکٹ سے الگ کر دیا گیا تھا، جو پہلے ایک ریاست کا حصہ تھا جس سے یونین ٹریٹری بنا دیا گیا، جو اب دو ریاستوں کی دارالحکومت بھی ہے۔
سپریم کورٹ نے مرکز کی پیروی کرنے والت اٹارنی جنرل تشار مہتا سے پوچھا کہ کیا آپ کسی ریاست کو مرکز کے زیر انتظام علاقہ میں تبدیل کر سکتے ہیں؟ کیا کسی UT کو ریاست سے الگ کیا جا سکتا ہے، جس پر ایس جی مہتا نے جواب دیا "کوئی پابندی نہیں ہے۔ آسام، تریپورہ اور اروناچل پردیش سبھی ریاست بننے سے پہلے یونین ٹریٹری بن گئے۔
مزید پڑھیں: Article 370 Hearing آرٹیکل 370 معاملہ، اچھے نتیجے کیلئے بہتر ذرائع کا استعمال ہونا چاہیے، سپریم کورٹ
چیف جسٹس نے کہا کہ آپ یقینی طور پر کہہ سکتے ہیں کہ آج ان کو مکمل ریاست بنانے کی صورتحال نہیں ہے، آج ہم ان کو تقسیم کرکے انہیں UT کا درجہ دیں گے اور آئندہ ایسے موقع پر جب پارلیمنٹ محسوس کرے گی کہ وہ کافی ہیں، ہم انہیں ریاستیں بنائیں گے… جو ہم نے شمال مشرق میں کیا۔
چیف جسٹس نے زبانی طور پر ریمارکس دیے کہ "یونین کے لیے ابھی یہ کیوں ممکن نہیں ہے کہ کسی خاص ریاست کے معاملے میں یہ کہہ سکے کہ ہمارے پاس قومی سلامتی کے معاملے میں ایسی انتہائی صورتحال ہے... ہم ایک مقررہ مدت کے لیے چاہتے ہیں کہ ایک UT بنایا جائے گا لیکن UT کی یہ تخلیق مستقل مزاجی کی خصوصیت نہیں ہے بلکہ یہ دوبارہ ریاست کی اپنی پوزیشن پر ترقی کرے گی۔
چیف جسٹس نے ریمارکس دیکر کہا کہ کیا استحکام کے لیے مقررہ وقت تک یونین کا کنٹرول نہیں ہوسکتا؟ "آخر میں ہمیں اس کا سامنا کرنا چاہئے چاہے وہ ریاست ہو یا یوٹی، ہم سب تب ہی زندہ رہتے ہیں جب قوم بچتی ہے ….. کیا ہمیں پارلیمنٹ کو یہ الاؤنس نہیں دینا چاہئے کہ وہ قوم کے تحفظ کے مفاد میں ایک خاص مدت کے لئے یہ فرض کر سکے… کچھ مقررہ مدت چاہتے ہیں کہ یہ مخصوص ریاست یونین ٹریٹری کے دائرے میں جائے ایک واضح سمجھ پر کہ یہ وقت کے ساتھ ساتھ ریاست میں واپس آجائے گی۔"
یہ بھی پڑھیں: SC Questions Teacher's Suspension سپریم کورٹ نے آرٹیکل 370 کیس کی وکالت کرنے والے لیکچرر کی معطلی پر سوالات اٹھائے
واضح رہے کہ 5 اگست 2019 کو مرکز نے جموں وکشمیر کی نیم خود مختاری دفعہ 370 اور 35 اے کو منسوخ کرکے مرکز کے زیر انتظام علاقہ جموں و کشمیر اور لداخ میں تقسیم کر دیا گیا ہے۔ اس فیصلہ کے خلاف جموں و کشمیر کی مختلف پارٹیوں نے مزکز کے اس فیصلہ کے خلاف سپریم کورٹ کا رخ کیا تھا۔
دوپہر کے کھانے کے وقفے کے بعد، سالیسٹر جنرل نے عدالت عظمیٰ کو مطلع کیا کہ جموں و کشمیر کی یو ٹی کی حیثیت مستقل نہیں ہے اور انہوں نے مزید کہا کہ وہ اعلیٰ سطح پر میٹنگ کے بعد 31 اگست کو ٹائم فریم پر مثبت بیان دے سکیں گے۔ مہتا نے کہا کہ لداخ یونین ٹریٹری ہی رہے گی۔
