راجوری: سرحدی ضلع راجوری کے سب ڈویژن تھنہ منڈی کی تاریخی جامع مسجد میں قرآن کریم حفظ کرنے والے طلبہ کی دستاربندی کی گئی۔ اس موقع پر وعظ و تبلیغ کی نشست کا بھی اہتمام کیا گیا جس میں سب ڈویژن سے تعلق رکھنے والے سینکڑوں فرزندان توحید نے شرکت کرکے حفاظ قرآن کی حوصلہ افزائی کی، وہیں اس موقع پر علماء کرام کے خطابات، تلاوت و نعت سے بھی محظوظ ہوئے۔ Religious Function at Jamia Masjid ThanaMandi
طلبہ نے حفظ قرآن خطہ پیرپنچال کی معروف دینی درس گاہ مدرستہ التوحید، متصل مرکزی جامع مسجد تھنہ منڈی میں مکمل کیا۔ اس موقع پر جامع مسجد کے امام وخطیب اور مدرستہ التوحید تھنہ منڈی کے مفتی عبدالرحیم ضیائی قاسمی نے دستاربندی کےساتھ ساتھ ذکر رسول کی مجلس کا بھی اہتمام کیا۔ اس موقع پر مہمان خصوصی حضرت مولانا غلام قادر صاحب، ممبر آل انڈیا مسلم پرسنل لا بورڑ اور چیئرمین مدرسہ ضیاء العلوم پونچھ تھے۔
جلسہ دستار بندی میں خطہ پیر پنچال سمیت بیرون ریاستوں کے علماء کو بھی مدعو کیا گیا تھا جن میں مولانا مفتی خالد رشید رحمانی صاحب مفتی اعظم، دارالعلوم لونوادہ گجرات قابل ذکر ہے۔ مدعو کیے گئے علماء کرام نے حفظ قرآن مکمل کرنے والے بچوں کی دستار بندی کی وہیں جلسہ میں شرکت کرنے آئے لوگوں کو اپنے قیمت پند و نصائح سے نوازا۔
مزید پڑھیں: Annual Convocation Darul Uloom Sopore سوپور میں دو سو کے قریب حفاظ اور فضلا کی دستاربندی
