جموں و کشمیر کے ضلع پلوامہ کے سب ضلع ترال میں گزشتہ دو برسوں کے دوران کئی اہم سڑکوں پر میکڈمایزیشن کا عمل مکمل کیے جانے سے جہاں ایک وسیع آبادی نے راحت کی سانس لی ہے تاہم کئی مقامات پر کچھ بدمعاشوں نے سڑکوں کو نقصان پہنچایا ہے جس کی عوامی سطح پر کارروائی کی مانگ کی جا رہی ہے۔ Miscreants damage road in Doodmarg Tral
دودھ مرگ ترال میں گزشتہ برس لعل پورہ سے دودھ مرگ تک سڑک پر تارکول بچھادیا گیا جس کی وجہ سے مقامی لوگوں نے راحت کی سانس لی تاہم لوگوں کی یہ خوشی دیر پا ثابت نہیں ہو رہی ہے کیونکہ کئی خود غرض عناصر نے اس سڑک کو نقصان پہنچایا ہے، جس کی وجہ سے سڑک انتہائی خستہ حال ہو گئی ہے اور لوگوں کو آنے جانے میں دقتوں کا سامنا کرنا پڑ رہا ہے۔
یہ بھی پڑھیں: Dilapidated Satoora Hajin Road: ترال کی ستورہ حاجن سڑک خستہ حالی کی شکار
مقامی شہری عبدالغنی نے ای ٹی وی بھارت کو بتایا کہ لمبے عرصے کے بعد سڑک کی مرمت کی گئی تھی لیکن اب سڑک ایک بار پھر تباہ کی گئی ہے جس کی وجہ سے بیماروں کو ہسپتال تک پہنچانے میں مشکلات درپیش ہوتی ہیں۔ ان کا مزید کہنا تھا کہ 'سڑک کی یہ خستہ حالی کرنے افراد کے خلاف کارروائی کی جائے۔'
