ذرائع کے مطابق ہلاک شدہ عسکریت پسندوں کی شناخت عرفان احمد راتھر اور ادفر فیاض کے طور پر ہوئی ہے۔ دونوں عسکریت پسند شدت پسند تنظیم حزب المجاہدین سے وابستہ تھے۔ راتھر کا تعلق شریف آباد سے ہے جبکہ ادفر فیاض گلشن پورہ کے رہنے والے ہیں۔
پلوامہ انکاؤنٹر اپڈیٹ
واضح رہے کہ ترال قصبے میں رات بھر تلاشی مہم جاری رہنے کے بعد آج علی الصبح تصادم شروع ہو گیا تھا۔
اطلاعات کے مطابق ترال قصبے میں تلاشی کارروائی کے دوران چھپے ہوئے عسکریت پسندوں نے سکیورٹی فورسز پر فائرنگ شروع کردی ،جس کے بعد سے تصادم شروع ہوگیا۔ تصادم میں 2 عسکریت پسند ہلاک ہوگئے۔
فوج نے ترال قصبے کے تمام راستوں کو سیل کر دیا ہے اور علاقے میں فوج کی اضافی نفری تعینات کردی گئی ہے۔
مزید تفصیلات کا انتطار ہے۔
