پلوامہ: جنوبی کشمیر کے ضلع پلوامہ کے رکھ لیتر علاقے میں بھارتیہ جنتا پارٹی (بی جے پی) لیڈر اور بی ڈی سی ممبر لاسی پورہ نے عوامی وفود سے ملاقات کی۔ علاقہ کے معزز شہریوں کے علاوہ نوجوانوں نے بھی شرکت کرکے علاقے میں درپیش مسائل سے بی ڈی سی ممبر کو آگاہ کیا۔ اس موقع پر مقامی باشندوں نے بی جے پی لیڈر اور بی ڈی سی ممبر لاسی پورہ کو علاقہ میں درپیش کئی مسائل سے آگاہ کرتے ہوئے ان مسائل کو حل کرنے کا مطالبہ کیا۔ BJP Leader holds public darbar in litter Pulwama
تقریب کے حاشیہ پر میڈیا نمائندوں کے ساتھ بات کرتے ہوئے بی جے پی لیڈر اور سابق ضلع صدر سجاد رینا نہ نے کانگریس کی ’’بھارت جوڑو یاترا‘‘ کی سخت نکتہ چینی کرتے ہوئے دعویٰ کیا کہ ’’یہ یاترا کشمیر میں کیونکر کامیاب ہو سکتی ہے!‘‘ رینا نے کہا: ’’اس طرح کی پارٹیاں محض اپنے اہل خانہ کے لیے ہی کام کرتی ہیں۔ اسی طرح کی جماعتوں نے ایک وقت میں اپنے اور اہل خانہ کے مفاد کے لیے گپکار الائنس قائم کی تھی۔‘‘ Sajad Raina Public Darbar Rakh Litter Pulwama
قبل ازیں، رینا نے رکھ لیتر علاقے کے باشندوں کو علاقے کی تعمیر و ترقی کی یقین دہانی کی اور کہا کہ وہ متعلقہ حکام کے ساتھ علاقے بات چیت کرکے علاقے میں درپیش مسائل کو حل کرنے کے علاوہ تعمیر و ترقی کے حوالہ سے بھی جلد اور سنجیدہ اقدامات اٹھائے جانے کی کوشش کریں گے۔ نمائندوں کے ساتھ بات کرتے ہوئے رینا نے کہا: ’’رکھ لیتر انتہائی پسماندہ علاقہ ہے اور یہاں تعمیر و ترقی کے لحاظ سے کام کرنے کی ضرورت ہے۔‘‘
رینہ نے لوگوں کے ساتھ وعدہ کیا کہ وہ علاقے میں درپیش سبھی مسائل کو متعلقہ حکام کی نوٹس میں لاکر ان مسائل کو ترجیحی بنیادوں پر حل کرنے کی پوری سعی کریں گے۔
