جموں وکشمیر پولیس نے اتوار کے روز شمالی کشمیر کے ضلع کپواڑہ کے مرکزی قصبے میں ایک مبینہ جعلی ڈاکٹر کو حراست میں لیا۔
ایک عہدیدار نے ای ٹی وی بھارت کو بتایا کہ پولیس نے آج سہ پہر مبینہ جعلی ڈاکٹر کو حراست میں لے لیا اور تفتیش شروع کردی۔
انہوں نے کہا کہ یہ گرفتاری کپوارہ شہر کے ایک نجی کلینک میں مشق کرنے والے فرد کے خلاف شکایات کے بعد کی گئی ہے اور خیال کیا جاتا ہے کہ یہ ایک سرکاری ملازم ہے۔
ادھر پولیس کے ایک سینئر عہدیدار نے بتایا کہ یہ کہنا قبل از وقت ہوگا کہ گرفتار شخص جعلی ڈاکٹر یا کسی سرکاری محکمہ کا ملازم ہے۔
انہوں نے کہا معاملے کی حقیقت مکمل تحقیقات کے بعد ہی یہ بات واضح ہوجائے گی۔
انہوں نے کہا کہ ایک کیس ایف آئی آر نمبر 225/2020 تھانہ کپواڑہ میں درج کیا گیا ہے اور مزید تفتیش جاری ہے۔
ادھر ذرائع نے بتایا کہ مبینہ جعلی ڈاکٹر سینیٹری انسپکٹر بتایا جاتا ہے۔ جس کی شناخت مسعود احمد خان ولد غلام احمد خان ساکنہ پمپوش کالونی سرینگر کے طور ہوئی ہے۔
