کرائم برانچ جموں نے غیر قانونی طور ڈومیسائل سرٹیفکٹ بنانے کے الزام میں مغربی پاکستانی رفیوجی کو حراست میں لے کر اس ضمن میں مزید تحقیقات شروع کر دی ہے۔
کرائم برانچ جموں کی جانب سے جاری کئے گئے بیان کے مطابق مغربی پاکستانی رفیوجی کو جعلی ڈومیسائل سرٹیفکٹ بنانے کے الزام میں گرفتار کیا گیا ہے۔
حراست میں لیے گئے شخص کی شناخت پربھارکر سنگھ ولد لکھن سنگھ ساکن کوٹ جموں کے طور پر کی گئی ہے جو آبائی طور پر پاکستانی شہر سیالکوٹ کا باشندہ ہے۔
کرائم برانچ کے مطابق مذکورہ شخص کے خلاف جموں کے مختلف تھانوں میں پہلے ہی مختلف مقدمات درج ہیں۔ کرائم برانچ کے مطابق پربھاکر سنگھ نے جموں میں جنگلاتی اراضی پر بھی قبضہ کیا ہوا ہے جہاں لکڑی چیرنے والی مشینیں نصب ہیں۔
جموں کرائم برانچ نے مزید بتایا کہ پربھاکر کو پبلک سیفٹی ایکٹ (پی ایس اے) کے تحت جیل منتقل کیا گیا۔
