انتظامیہ نے تہوار کے دوران شام 8 بجے سے 10 بجے تک صرف سبز پٹاخے کو ہی استعمال کرنے کی اجازت دی ہے تاکہ ماحولیاتی توازن کر برقرار رکھا جا سکے۔
جموں و کشمیر کے ڈیزاسٹر مینجمنٹ کی طرف سے جاری کردہ ایک بیان میں کہا گیا ہے کہ پٹاخے کا استعمال کرتے وقت سپریم کورٹ، نیشنل گرین ٹریبونل اورجموں وکشمیر انتظامیہ کے حکم نامے پر عمل کرنا ضروری ہے۔ حکم نامہ کی خلاف ورزی کرنے والوں کے خلاف کارروائی کی جائے گی۔
یہ بھی پڑھیں: سرینگر - شارجہ پرواز: پاکستان نے فضائی حدود استعمال کرنے کی اجازت نہیں دی
حکم نامے میں آتش بازی کے دوران لوگوں کے لیے تمام حفاظتی احتیاطی تدابیر بھی درج کی گئی ہیں۔ جموں و کشمیر انتظامیہ نے کہا ہے کہ کسی بھی نا خوشگوار واقعہ کے دوران 101 نمبر پر کال کریں۔
