وسطی کشمیر کے ضلع گاندربل میں انتظامیہ نے نالہ سندھ میں تیراکی اور نہانے پر پابندی عائد کردی ہے۔
واضح رہے کہ یہ فیصلہ حال ہی میں نالہ سندھ میں دو نوجوانوں کے ڈوبنے کے بعد کیا گیا۔
چیئرمین ڈی ڈی ایم اے گاندربل کے ذریعہ جاری کردہ حکم نامے کے مطابق' نالہ سندھ میں نہاتے / تیراکی کرتے ہوئے ڈوبنے کے واقعات کی وجہ سے قیمتی جانوں کے ضائع ہونے کے پیش نظر اور احتیاطی تدابیر کے ایک حصے کے طور پر نالہ سندھ میں تیراکی / نہانے پر پابندی عائد کردی گئی ہے۔
یہ بھی پڑھیں
نالہ سندھ میں نہانے کے دوران سرینگر کے دو نوجوان غرقاب
حکم نامے کے مطابق تحصیلدار (ایگزیکٹو مجسٹریٹ)، ایس ایچ اوز اور جل شکتی اپنے علاقوں میں اس حکم کے نفاذ کے لیے سخت نگرانی کریں گے۔
واضح رہے کہ اتوار کی سہ پہر گاندربل کے کنگن علاقے میں اس وقت کہرام مچ گیا جب نالہ سندھ میں نہانے کے دوران دو جواں سالہ لڑکے ڈوب گئے۔
