اننت ناگ: جموں کشمیر کے لیفٹیننٹ گورنر منوج سنہا نے رانی پورہ، اننت ناگ میں مارٹنڈ چین سٹچ کلسٹر کا افتتاح کیا۔ Manoj Sinha inaugurates chainstich cluster in Anantnag اس موقع پر ایک تقریب کا اہتمام کیا گیا جس میں ضلع انتظامیہ، متعلقہ محکمہ جات کے افسران کے علاوہ مقامی باشندوں کی کثیر تعداد نے شرکت کی۔ ایل جی نے دستکاروں کی جانب سے لگائے گئے اسٹالز کا بھی معائنہ کیا۔
چین سٹچ کلسٹر کی افتتاحی تقریب کے بعد عوام سے خطاب کرتے ہوئے لیفٹیننٹ گورنر نے کہا کہ ان کی قیادت والی حکومت کاریگروں، دستکاروں کی فلاح و بہبود کے لیے پرعزم ہے۔ روایتی صنعتوں کی بحالی کے لیے 4.50 کروڑ روپے کے مارٹنڈ چین سٹچ کلسٹر کا قیام جموں و کشمیر کھادی اینڈ ولیج انڈسٹریز بورڈ (KVIB) نے مرکزی وزارت MSME (GOI) کے اشتراک سے کیا۔ خطاب کے دوران سنہا نے کہا کہ دستکاری کے روایتی فنون کو محفوظ کرنے کے لیے یو ٹی انتظامیہ پُر عزم ہے۔
منوج سنہا نے خطاب کے دوران کہا کہ جموں و کشمیر کی روایتی دستکاری کو فروغ دینے اور اس صنعت کو مزید منافع بخش بنانے کی ہر ممکن کوشش کی جائے گی۔ LG Manoj Sinha on Kashmiri Handicrafts انہوں نے کہا کہ ’’وزیراعظم نریندر مودی کا تمام ہندوستانی تجارت اور دستکاری کے ساتھ دلی لگاؤ ہے۔ مرکزی حکومت کے تعاون سے انتظامیہ ہنر مند افراد کی فلاح و بہبود اور دستکاروں کی باز آبادکاری کے لیے ہمیشہ پر عزم ہے۔‘‘
مزید پڑھیں: اصل پشمینہ کے جی آئی مارک کی تشہیر کیوں نہیں ہو پارہی ہے؟
اس موقع پر جموں و کشمیر کھادی اینڈ ولیج انڈسٹریز بورڈ کی چیئرپرسن ڈاکٹر حنا شفیع بھٹ نے کہا کہ ’’کریول ایمبرائیڈری کلسٹر کا قیام ان اقدامات میں سے ایک ہے جو روایتی فنوں اور دستکاری کے فروغ کے لیے اٹھائے جا رہے ہیں۔‘‘ Chairperson KVIB on chainstich cluster
