مرکزی وزیر مملکت برائے مواصلات دیو سنگھ چوہان ضلع پلوامہ کا دو روزہ دورہ کررہے ہیں۔ اس ضمن میں وہ آج پلوامہ پہنچے۔ مرکزی وزیر نے سب سے پہلے ضلع پلوامہ کے بارے میں جانکاری حاصل کی جو ضلع ترقیاتی کمشنر پلوامہ نے فراہم کی۔
وزیر نے ضلع پلوامہ کے تمام بی ڈی سیز، ڈی ڈی سیز، میونسپل کونسلر کے علاوہ پنچوں اور سرپنجوں کے ساتھ تعمیر و ترقی کے حوالے سے ایک جائزہ میٹنگ منعقد کی جہاں بی ڈی سیز، ڈی ڈی سیز، میونسپل کونسلز کے علاوہ پنچوں و سرپنچ نے وزیر کو تفصیلات فراہم کی۔
وزیر مملکت نے ضلع پلوامہ میں جہاں کئی تعمیراتی منصوبوں کا افتتاح کیا وہیں کئی ترقیاتی منصوبوں کا سنگ بنیاد بھی رکھا۔
میٹنگ سے خطاب کرتے ہوئے وزیر مملکت نے کہا کہ ضلع پلوامہ کی ترقی پورے جموں و کشمیر کی ترقی ہے ضلع پلوامہ ترقی کی راہ پر گامزن ہے جس کے لیے یہاں کی انتظامیہ اپنے فرائض اچھے طریقے سے انجام دے رہی ہے۔
یہ بھی پڑھیں: پلوامہ:بیگم باغ کاکاپورہ محکمہ جل شکتی سے نالاں
انہوں نے کہا کہ ضلع پلوامہ کو تعمیر و ترقی کے لحاظ سے آگے لے جانے کے لیے ہم سب کو مل کر کام کرنا چاہیے۔ اس میٹنگ میں ضلع پلوامہ کے تمام ضلع افسران موجود تھے۔
