جموں و کشمیر کے ضلع بڈگام کے بیروہ علاقے میں پاور ڈویلپمنٹ ڈیپارٹمنٹ کا ایک لائن مین بجلی کی کرنٹ لگنے سے ہلاک ہوگیا۔ یہ حادثہ بیروہ کے کنچٹی پورہ کھاگ میں پیش آیا۔
ہلاک ہونے والے لائن مین کی شناخت سید پورہ بیروہ سے تعلق رکھنے والے محمد امین کے طور پر ہوئی ہے۔
بتایا جارہا ہے کہ محمد امین کنچٹی پورہ میں بجلی کی ترسیلی لائن کی مرمت کررہے تھے اور اس دوران بجلی کی کرنٹ لگنے سے جھلس گئے۔ اگر چہ نازک حالت میں انہیں اسپتال منتقل کیا گیا تھا لیکن وہ اسپتال میں ہی دم توڑ دیئے۔
یہ بھی پڑھیں: بارہمولہ: ڈیجیٹل انڈیا کا وہ گاؤں، جہاں موبائل ٹاور نہیں
لوگوں کا کہنا ہے کہ 'بیروہ میں اس سے پہلے بھی اس طرح کے کئی حادثات پیش آئے ہیں لیکن انتظامیہ اس کی طرف کوئی توجہ نہیں دے رہا ہے۔ لوگوں کا یہ بھی کہنا تھا کہ 'اگر ان کا ملازم ترسیلی لائن کو بحال کر رہا تھا تو بجلی کی کرنٹ کہاں سے آئی۔ انہوں نے معاملے کی جانچ کا مطالبہ کیا ہے۔'
