سانبہ: جموں وکشمیر کے ضلع سانبہ میں گزشتہ رات پیش آئے ایک سڑک حادثے میں چار افراد ہلاک ہو گئے۔ تفصیلات کے مطابق ضلع سانبہ میں کل دیر رات قومی شاہراہ پر ایک آٹو اور ٹرک کے درمیان ہونے والے حادثے میں تین نابالغ سمیت چار افراد ہلاک اور دیگر پندرہ زخمی ہو گئے۔ Four Died in Samba Road Accident
پولیس حکام نے بتایا کہ 'اس حادثے میں ہلاک ہونے والوں میں ایک خاتون اور 3 بچے شامل ہیں۔ انہوں نے بتایا کہ آٹو اور ٹرک کے درمیان حادثہ رات دیر گئے پیش آیا، جس کے نتیجے میں تین نابالغ، جن میں سے دو بہن بھائی اور ایک خاتون شامل ہیں، کی موت ہوگئی، جب کہ 15 دیگر زخمی ہوگئے۔
حادثے میں جاں بحق ہونے والوں کی شناخت کھڈگل سانبہ کے شیو دیال کی بیوی سمن دیوی (عمر40)، راہل اور اس کی بہن مسکان دونوں کی عمر پانچ سال ولدیت ترسم لال اور کرش (عمر5) ولد رمیش لال کے طور پر کی گئی ہے، تمام جسوال منڈل سانبہ کے رہنے والے ہیں۔
- یہ بھی پڑھیں: Husband Dies, wife Critical in Srinagar Accident: سڑک حادثہ میں شوہر ہلاک، زوجہ شدید زخمی
زخمیوں کی شناخت گیتا دیوی (عمر70)، میناکشی دیوی (عمر12)، وینا دیوی (عمر40)، اوشا دیوی (عمر42)، ریکھا دیوی (عمر35)، نیہا دیوی (عمر26)، گیتا دیوی (عمر34)، ریتیکا (عمر 34) ، جیوتی دیوی (عمر30)، گارو دیوی (عمر48)، جیوتی دیوی (عمر70)، چمپا دیوی (عمر58) سبھی جسوال منڈل سانبہ کے رہنے والے ہیں اور ارشی دیوی (عمر 15)، نیہا دیوی اور شانی دیوی (عمر 40) منور ضلع سانبہ کے رہنے والے ہیں۔ ایک پولیس افسر نے حادثے میں ہلاک اور زخمی ہونے کی تصدیق کرتے ہوئے کہا کہ مقدمہ درج کر لیا گیا ہے۔
