جموں و کشمیر میں عالمی وبا کورونا وائرس Covid Surge in Jammu کے مثبت کیسز میں اضافے کے پیشِ نظر محکمۂ صحت Health Department نے جموں ضلع کے بھگوتی نگر میں واقع ڈی آر ڈی او ہسپتال DRDO Covid Hospital میں از سر نو ڈاکٹروں اور پیرا میڈیکل اسٹاف کی تعیناتی عمل میں لائی ہے۔
واضح رہے کہ ڈی آر ڈی او ہسپتال کووڈ 19 متاثرہ افراد کے علاج و معالجہ کے لیے ہنگامی بنیادوں پر قائم کیا گیا تھا۔ کووڈ 19 متاثرہ افراد کی تعداد میں ممکنہ اضافے کے پیش نظر اور کسی بھی ممکنہ صورتحال سے نمٹنے کے لیے محکمۂ صحت نے ڈی آر ڈی او ہسپتال DRDO Covid Hospital میں پھر سے عملہ تعینات کرنے کا فیصلہ لیا ہے۔
مزید پڑھیں:
واضح رہے کہ جموں میں عالمی وبا کورونا وائرس سے متاثرہ افراد کی مجموعی تعداد 1 لاکھ 24 ہزار 970 تک پہنچ گئی ہے۔ اگرچہ جموں میں گزشتہ دنوں کورونا وائرس سے کسی کی موت نہیں ہوئی ہے تاہم موذی وائرس کے سبب اب تک جموں میں 2 ہزار 185 افراد فوت ہو چکے ہیں۔
