ضلع پٹ پڑ گنج کانگریس کمیٹی کے نائب صدر ایڈووکیٹ توفیق رضوی کی جانب سے شاہین باغ کے ایف بلاک میں بعد نمازمغرب ایک پروگرام کا انعقاد کیا گیا۔ جس میں دہلی اسٹیٹ کانگریس پارٹی اقلیتی سیل کے نومنتخب انچارج شاہنواز شیخ کو پھولوں کی مالا پہناکر استقبال اور خیرمقدم کیا گیا۔
اس موقع پرایڈووکیٹ توفیق رضوی نے اپنے خیالات کا اظہار کرتے ہوئے کہا کہ شاہوناز شیخ کے دہلی اسٹیٹ کانگریس کمیٹی اقلیتی مورچہ کے انچارج بنائے جانے پر ہم دل کی گہرائیوں سے مبارک باد پیش کرتے ہیں۔ انہوں نے کہا کہ شاہنواز شیخ ایک تجربہ کار، منجھے ہوئے اور ہونہار نوجوان سیاست داں ہیں۔
دہلی اسٹیٹ کانگریس کمیٹی اقلیتی مورچہ کے انچارج بنائے جانے سے پارٹی مزید فعال اور مضبوط ہوگی۔
دہلی اسٹیٹ کانگریس کمیٹی اقلیتی مورچہ کے نومنتخب انچارج شاہنواز شیخ نے اپنے خیالات کا ظہار کرتے ہوئے کہا کہ دہلی کی ترقیاتی کاموں کا گونج ہندوستان سمات بیرون ملک میں جو سنی جارہی ہے اس کا سہرا آنجہانی شیلا دیکشت کے سر ہے۔ انہیں کی کاوشوں سے دہلی میں بے پناہ ترقیاتی کام ہوئے اور انہیں کی تیار کردہ روڈ میپ پر آج بھی دہلی میں کام ہورہے ہیں۔
مزید پڑھیں:
دہلی: حضرت نصیرالدین جنہوں نے پانی سے چراغ روشن کیا
انہوں نے کہا کہ کانگریس کمیٹی اقلیتی مورچہ کے چیئرمین عمران پرتاپ گڑھی کی سربراہی میں پارٹی اور اقلیتوں کے فلاح وبہبود کے لیے بہت اچھا کام ہورہا ہے۔
انہوں نے کہا کہ عمران پرتاپ گڑھی نے جھارکھنڈ سرکار سے ملاقات کرکے ہجومی تشدد کے لیے قانون بنانے اور اردو اکیڈمی کے قیام کا پرزور مطالبہ کیا۔
اس وقع پر شاہین باغ کے ریاض نیتا،عبدالغنی،سعید حسن کے علاوہ دیگر حضرات موجود تھے۔
