بروقت فائر اینڈ ایمرجنسی سروسز اور پولیس کے ساتھ ساتھ مقامی نوجوانوں نے اپنی جان ہتھیلی پہ رکھ کر تین منزلہ عمارت کو نقصان ہونے سے بچایا۔ اطلاع کے مطابق اچھبل نامی گاؤں میں دن کے گیارہ بجے ایک تین منزلہ مکان کے اندر اچانک آگ لگ گئی، آناً فاناً پورے علاقے میں دہشت کا ماحول پھیل گیا اور وہاں پر موجود مقامی لوگوں کے ساتھ ساتھ جموں و کشمیر پولیس اور فائر اینڈ ایمرجنسی نے بروقت کارروائی کرتے ہوئے پورے مکان کو جلنے سے بچایا۔ لیکن عمارت کی تیسری منزل پوری طور پر خاکستر ہوگئی۔
مزید پڑھیں: جموں و کشمیر ڈی جی پی نے صحافیوں کو پیٹے جانے پر نوٹس لیا
آگ لگنے کے سبب لاکھوں روپے کی مالیت کا نقصان ہوا ہے۔ اس حوالے سے اپنی پارٹی کے ایک سینیئر کارکن الطاف ملک نے میڈیا کو بتایا کہ 'یہاں ایک فائر اینڈ ایمرجنسی سروسز کا برانچ ہونا چاہئے تاکہ علاقے کے لوگوں کو فوری مدد ملے۔ کیونکہ روہامہ اور سوپور سے اچھبل بہت دور پڑتا ہے جس کی وجہ سے یہاں کے لوگوں کو کافی دقتوں کو سامنا ہے۔
